სწრაფი დიეტების მომხრე არასოდეს ვყოფილვარ. შესაბამისად, არ შემიზღუდავს ჩემი თავი კვებაში. ერთადერთი „დიეტა“ ვიცი − ვამცირებ ულუფების დოზას, ვზღუდავ პურის, ცომეულისა და ტკბილეულის რაოდენობას და ვიკვებები ჯანსაღად.
დიეტებს არ ვემხრობი, რადგანაც ამ დროს ვზღუდავთ თუნდაც მარილიან და შაქრიან საკვებს, რაც გემრიელი კერძისთვის აუცილებელი ინგრედიენტია, მე კი ვარ ძალიან გურმანი ადამიანი და ჩემთვის აუცილებელია, საკვები იყოს უგემრიელესი.
კვირაში ერთხელ განტვირთვის დღეს ვაკეთებ. უბრალოდ, სანამ ამ ნაბიჯს გადადგამს ადამიანი, კარგად უნდა დაფიქრდეს, მოემზადოს ფსიქოლოგიურად და გაითავისოს ეს გადაწყვეტილება. ამ დროს ხდება ძალიან ბევრი დაავადების განკურნება. ადამიანებს არ ვურჩევ იმას, რაც ჩემს თავზე არ გამომიცდია, განტვირთვის დღეებს კი ყველას ვურჩევდი. აუცილებელია წელიწადში თუნდაც რამდენიმეჯერ გაკეთება.
ამის ნათელი მაგალითი თუნდაც პოლ ბრეგის „შიმშილობის სასწაულია“, რომლის მეთოდოლოგიამ და კვების პრინციპებმა დიდი გავლენა მოახდინა ადამიანებზე. მე ნამდვილად დავიჯერე შიმშილობის სასწაულის. წლების განმავლობაში მუდმივად ვაკეთებდი და ვირწმუნე, რომ ადამიანის ორგანიზმს აუცილებლად ესაჭიროება განტვირთვა. უბრალოდ, როგორც აღვნიშნე, ვიდრე ამ გადაწყვეტილებას მიიღებთ, კარგად უნდა წაიკითხოთ წიგნი და მოემზადოთ ფსიქოლოგიურად.
