კეიტი ჰოლმსის პირადი ცხოვრება ბოლო თვეებში კვლავ საზოგადოების ყურადღების ცენტრში მოექცა. მსახიობი ახალ ურთიერთობაშია – მისი რჩეული 39 წლის ნიუ-იორკელი მხატვარი ჯეისონ ბარდ იარმოსკია.
რომანის შესახებ პირველად 2026 წლის ივლისში გახდა ცნობილი. 10 ივლისს ისინი East Hampton-ში, ოლივია უაილდის ფილმის „The Invite“-ის ჩვენებაზე ერთად გამოჩნდნენ.
წყვილთან დაახლოებული პირის თქმით, ისინი ერთმანეთს სადილზე შეხვდნენ, სწორედ ამის შემდეგ დაინტერესდა კეიტი.
რომანის დაწყებიდამ მალევე ურთიერთობა გაასაჯაროვეს: 1 სექტემბერს ჰოლმსმა სოციალურ ქსელში იარმოსკის დაბადების დღე მიულოცა და მას “საუკეთესო საუკეთესოთა შორის“ უწოდა. რამდენიმე დღეში წყვილმა იტალიაში, კომოს ტბაზე მოგზაურობის ფოტოებიც გააზიარა.
ცოტა ხნის წინ, წყვილი ნიუ-იორკის მოდის კვირეულზე გამოჩნდა. 9 სექტემბერს ისინი Cult Gaia-ს 2027 წლის გაზაფხული/ზაფხულის ჩვენებას დაესწრნენ.
PEOPLE-ის უახლესი ინფორმაციით, ჰოლმსი ახალ ურთიერთობაში თავს კომფორტულად გრძნობს. წყაროს თქმით, წყვილს ერთად დროის გატარება მოსწონს და ერთმანეთის პროფესიულ საქმიანობასაც მხარს უჭერენ.
“მათ ერთმანეთის სამყაროს ნაწილად ყოფნა მოსწონთ“, – ამბობს წყარო PEOPLE-თან.
ვინ არის ჯეისონ ბარდ იარმოსკი?
ჯეისონ ბარდ იარმოსკი 39 წლის ამერიკელი მხატვარია, რომელიც ნიუ-იორკში მოღვაწეობს.
იგი თანამედროვე ფერწერაში ძირითადად ასაკის, დროის, მეხსიერებისა და ადამიანური ურთიერთობების თემებზე მუშაობს. იარმოსკის შემოქმედების მნიშვნელოვანი ნაწილი ბებია-ბაბუას, ელეინ და ლეონარდ ბარდებს, უკავშირდება. სწორედ მათი პორტრეტების ხატვით დაიწყო მან ასაკის მატებასთან დაკავშირებული ცვლილებებისა და ადამიანის იდენტობის კვლევა.
ნამუშევრები საინტერესოა იმითაც, რომ იარმოსკი თანამედროვე ადამიანებს ხშირად ტრადიციული ფერწერის სტილში გამოსახავს. ის მე-17 და მე-18 საუკუნეების მხატვრობის ტექნიკებს თანამედროვე პერსონაჟებთან, კოსტიუმებთან და გარემოსთან აერთიანებს.
მხატვრის ნამუშევრები არაერთ ცნობილ მუზეუმსა და გალერეაშია წარმოდგენილი, მათ შორის Brooklyn Museum-სა და Crystal Bridges Museum of American Art-ში.
რაც შეეხება კეიტი ჰოლმსს მისი ყველაზე გახმაურებული რომანი, რა თქმა უნდა, ტომ კრუზთან იყო. მსახიობები 2006 წელს იტალიაში დაქორწინდნენ. იმავე წელს ქალიშვილი, სური შეეძინათ. წყვილის ქორწინება 2012 წელს დასრულდა.
განქორწინების შემდეგ ჰოლმსი ჯეიმი ფოქსს ხვდებოდა. წყვილი რომანის დეტალებს საჯაროდ იშვიათად განიხილავდა და ურთიერთობაც ოფიციალურად არასდროს დაუდასტურებიათ. გავრცელებული ცნობების თანახმად, ისინი 2019 წელს დაშორდნენ.
ასევე დაგაინტერესებთ:
#OK! ტომ კრუზისა და კეიტი ჰოლმსის ქალიშვილმა მამის გვარზე უარი თქვა
