ნიდერლანდების ეროვნული ბალეტის მთავარი სოლისტი, ქართველი მოცეკვავე გიორგი ფოცხიშვილი საერთაშორისო საცეკვაო ჟურნალ Dance Europe-ის ყოველწლიური გამოკითხვის – „წლის მოცეკვავის“ – ექვს ნომინანტს შორის მოხვდა. იგი ამ აღიარებისთვის საერთაშორისო სცენის ცნობილ მოცეკვავეებთან ერთად იბრძოლებს.
ფოცხიშვილმა ნომინაცია ბალეტ „ბაიადერაში“ სოლორის როლის შესრულებისთვის მიიღო.
მის გარდა, ნომინანტებს შორის არიან ალინა კოჯოკარუ, მარიანელა ნუნიესი, ჯოვანი როტოლო, ოსიელ გონეო და უილიამ ბრეისველი. გამარჯვებულს მაყურებლისა და ჟურნალის მკითხველების ხმებით გამოავლენენ. ხმის მიცემა 31 ოქტომბრამდეა შესაძლებელი.
მსურველებმა საკუთარი სახელი და გვარი და რჩეული მოცეკვავის – გიორგი ფოცხიშვილის – სახელი უნდა გაგზავნონ ელფოსტაზე [email protected] ან WhatsApp-ის ნომერზე +44 7981 945320. თითოეულ მონაწილეს ხმის მიცემა მხოლოდ ერთხელ შეუძლია.
ჰოლანდიის ნაციონალურ ბალეტში გიორგი 2020 წლიდან ცეკვავს. მანამდე თბილისში, ვახტანგ ჭაბუკიანის საბალეტო სკოლაში სწავლობდა. 2023 წელს მიღებული აქვს ალექსანდრა რადიუსის პრიზი.
ასევე დაგაინტერესებთ:
