15 სექტემბერს, თბილისში, ბრიტანული ნიშური პარფიუმერიის პრემიუმ ბრენდის, Roja Parfums-ის (როჟე პარფამის) გალა წვეულება გაიმართება. კომპანია Estel Georgia სტუმრებს რესტორან რესპუბლიკაში უმასპინძლებს. აღნიშნული კომპანია ნიშური პარფიუმერიისა და თავის მოვლის საშუალებების ექსკლუზიური დისტრიბუტორია საქართველოში.
აღსანიშნავია, რომ Estel Georgia-ს მოწვევით, საქართველოს Roja Parfums-ის წარმომადგენლებთან ერთად მსოფლიოს სხვა წამყვანი პარფიუმერებიც ესტუმრებიან და სუნამოების მოყვარულებს ახალი პრემიუმ ბრენდის არომატებში ამოგზაურებენ. სტუმრებს ექნებათ უნიკალური შესაძელბლობა პირველად გაეცნონ მსოფლიოს ერთ-ერთ ყველაზე ძვირადღირებულ პარფიუმერული სახლის სუნამოებს, რომელთა ინგრედიენტები ნამდვილ ოქროზე ძვირფასია. გარდა ამისა, საღამოზე თქვენ შეძლებთ ისიამოვნოთ როგორც სასიამოვნო აროამტით ისე გემოვნებიანი მუსიკის ნოტების იდეალური კომპოზიციებით.
საქართველოში სამეფო ბრენდის სუნამოები ექსკლუზიურად ,,ლუტეციის” ქსელში იქნება ხელმისაწვდომი.
ცნობისთვის, Roja Parfums ცნობილი ინგლისელი პარფიუმერის როჟე დავის (Roja Dove) მიერ შეიქმნა, რომელიც პარფიუმერიის ერთადერთი პროფესორია და მის მიერ შექმნილი არომატები შესულია პარფიუმერიის ინდუსტრიის ოქროს ფონდში.
40 წელზე მეტია Roja Dove ბრიტანული პარფიუმერიის ინოვაციების წინა პლანზეა. დღეისთვის, Roja Parfums ხელმისაწვდომია 65 ქვეყნის 383 ობიექტზე. Roja Parfums-ის საერთაშორისო წარმატებამ, იგივე სახელის მქონე შემქმნელის კრეატიულობასთან ერთად, განაპირობა Roja-ს დანიშვნა გაერთიანებული სამეფოს მთავრობის კულტურის ელჩად დიდი ბრიტანეთის კამპანიაში – „ბრიტანულ ოსტატობაში და ინოვაციაში საუკეთესოთა ზეიმი“.
