ჰეილი როუდს ბოლდვინ ბიბერი, ჯასტინ ბიბერის ცოლი, ვერსაჩეს სახე და პოპულარული მოდელი ახლახანს Youtube სამყაროს შეუერთდა. 24 წლის მოდელმა საკუთარ Youtube არხზე ვიდეოების განთავსება უკვე დაიწყო. პირველ ვიდეოში მან არხის თემატიკა წარადგინა და განაცხადა, რომ ის მაქსიმალურად გახსნილი იქნება მის ფანებთან და უამრავ ვიდეოს გამოაქვეყნებს. წარდგენის შემდეგ მოდელმა შემდეგი ვიდეოც გამოაქვეყნა სახელწოდებით „ვინ არის ჩემს სააბაზანოში?“ ჰეილიმ სტუმრად მისი საუკეთესო მეგობარი და სუპერმოდელი, კენდალ ჯენერი მოიწვია, რომელთან ერთადაც დრო საკმაოდ ხალისიანად გაატარა.
გოგონებმა სააბაზანოში მოამზადეს მაკარონი ყველით, შემდეგ კი კენდალის ბრენდის, 818-ის მიერ წარმოებული ტეკილაც მიირთვეს და თამაში „მე არასდროს“ ითამაშეს, რომლის განმავლობაში სკანდალური ისტორიებიც კი გაგვიმხილეს.
თამაშის დროს გოგონებმა გაგვიმხილეს, რომ მათ ერთმანეთი ფილმ „შიმშილის თამაშების“ პრემიერაზე, 2012 წელს გაიცნეს, ასევე მათ გაიხსენეს მომენტი, როდესაც კენდალმა ჰეილი კოაჩელას ფესტივალზე ცრემლებამდე მიიყვანა. თამაშის ბოლოს გოგონებმა ისიც კი აღიარეს, რომ მათი პარტნიორი მამაკაცების პირადი მიმოწერა არა ერთხელ წაუკითხავთ.
