ტომ ჰოლანდი ჰოლივუდის ისტორიაში ყველაზე შემოსავლიანი მსახიობი გახდა – მისი მონაწილეობით გადაღებული ფილმების საერთო შემოსავალმა $15.5 მილიარდს გადააჭარბა. ამ მონაცემებით, იგი ზოი სალდანასაც უსწრებს.
სალდანას ფილმების ჯამური მაჩვენებელი დაახლოებით $15.46 მილიარდია, მესამე ადგილს კი სკარლეტ იოჰანსონი იკავებს – მისი ფილმების საერთო შემოსავალი $15.40 მილიარდს შეადგენს.
ჰოლანდის შედეგზე გავლენა განსაკუთრებით 2026 წლის ფილმებმა მოახდინა: „Spider-Man: Brand New Day“-მ მსოფლიო მასშტაბით $2.45 მილიარდი გამოიმუშავა, კრისტოფერ ნოლანის „ოდისეამ“ კი – $1.68 მილიარდი.
აღსანიშნავია, რომ ორივე ფილმი კინოთეატრებში კვლავ გადის, ამიტომ მათი საბოლოო მაჩვენებელი შესაძლოა კიდევ გაიზარდოს.
რაც შეეხება მსახიობის ფინანსურ მდგომარეობას, ამის შესახებ ოფიციალური მონაცემები არ არსებობს. სხვადასხვა წყაროს ინფორმაციით, 2026 წელს მისი ქონება $25 მილიონად არის შეფასებული.
„Spider-Man: Brand New Day“-ში შესრულებული როლისთვის ჰოლანდის საწყისი ჰონორარი დაახლოებით $20 მილიონია. დამატებითი ბონუსებისა და ფილმის შემოსავალთან დაკავშირებული ანაზღაურების გათვალისწინებით, საბოლოო თანხა შესაძლოა $100 მილიონს აღემატებოდეს, თუმცა ეს ინფორმაცია ოფიციალურად დადასტურებული არ არის.
ასევე დაგაინტერესებთ:
#OK! ზენდეია გახდა ყველაზე ახალგაზრდა მსახიობი, რომელმაც Emmy-ის უკვე მეორე ჯილდო მიიღო
