სინდი კროუფორდსა და რენდი გერბერს შვილის, პრესლის, ტრაგიკული გარდაცვალების შემდეგ ლოს-ანჯელესის დატოვებას ურჩევენ. ოჯახის ახლობლის თქმით, წყვილისთვის მომხდარის შემდეგ ქალაქში ცხოვრება განსაკუთრებით რთულია.
„ნამდვილად აღარ შეუძლიათ ლოს-ანჯელესში ცხოვრების გაგრძელება, თითქოს არაფერი მომხდარა. არავის სურს, რომ ნაჩქარევი გადაწყვეტილება მიიღონ, თუმცა პრესლის გარდაცვალებამ მათი სამყარო მთლიანად შეარყია“, – განუცხადა ოჯახთან დაახლოებულმა პირმა Star Magazine-ს.
წყაროს ცნობით, ოჯახი მძიმე პერიოდს გადის და ცდილობს, ტრაგედიასთან გამკლავების გზა იპოვოს.
„ახლა კიდევ ერთხელ გაიაზრეს, რომ ვერანაირი თანხა ვერ დააბრუნებს იმას, რაც დაკარგეს“, – ამბობს წყარო.
როგორც გამოცემა წერს, წყვილის ახლო მეგობარი, ჯორჯ კლუნი, სინდისა და რენდის ლოს-ანჯელესის დატოვებისკენაც მოუწოდებს. კლუნიმ და მისმა მეუღლემ, ამალმა, 2025 წელს თავად დატოვეს ქალაქი და საფრანგეთში გადავიდნენ საცხოვრებლად. გადაწყვეტილების ერთ-ერთი მიზეზი კი შვილებისთვის, უფრო მშვიდი გარემოს შექმნა იყო.
შეგახსენებთ, რომ პრესლი გერბერი 20 სექტემბერს კალიფორნიაში, სანტა მონიკაში მდებარე სარეაბილიტაციო დაწესებულებაში გარდაიცვალა. სამართალდამცავებმა შეტყობინება სავარაუდო ზედოზირებისა და გულის გაჩერების შესახებ დილით მიიღეს. ექსპერტიზა უკვე ჩატარდა, თუმცა ლოს-ანჯელესის ოლქის სამედიცინო ექსპერტიზის სამსახურს გარდაცვალების ოფიციალური მიზეზი ჯერ არ დაუსახელებია.
ასევე დაგაინტერესებთ:
