უკრაინის პრეზიდენტი ვოლოდიმირ ზელენსკი დიდი ბრიტანეთის მეფეს, ჩარლზ III-ს შეხვდა. შეხვედრა უინძორის სასახლეში გაიმართა, რის შესახებაც ინფორმაციას თავად ზელენსკი სოციალურ ქსელში ავრცელებს.
„როგორც ყოველთვის კარგი შეხვედრა მქონდა დიდი ბრიტანეთისა და ჩრდილოეთ ირლანდიის გაერთიანებული სამეფოს მეფე ჩარლზ III-სთან. მადლობას ვუხდი მის უდიდებულესობას, ხალხს და გაერთიანებულ სამეფოს ჩვენი ხალხის მიმართ ურყევი მხარდაჭერისთვის“, – წერს უკრაინის პრეზიდენტი.
View this post on Instagram
ვოლოდიმირ ზელენსკი ლონდონში ოფიციალური ვიზიტით იმყოფება. ვიზიტის ფარგლებში იგი გაერთიანებული სამეფოს, საფრანგეთისა და გერმანიის ლიდერებსაც შეხვდა. მხარეებმა უკრაინაში მიმდინარე ომი, ფრონტის ხაზზე არსებული ვითარება და სამართლიანი მშვიდობის მისაღწევად საჭირო ნაბიჯები განიხილეს.
დიდი ბრიტანეთი უკრაინის ერთ-ერთ მნიშვნელოვან პარტნიორად რჩება და ომის დაწყებიდან დღემდე ქვეყანას როგორც სამხედრო, ისე ჰუმანიტარულ და ფინანსურ დახმარებას უწევს. ზელენსკიმ კიდევ ერთხელ გაუსვა ხაზი გაერთიანებული სამეფოსა და ბრიტანელი ხალხის მხარდაჭერის მნიშვნელობას უკრაინისთვის.
:max_bytes(150000):strip_icc():focal(477x230:479x232)/King-Charles-Volodymyr-Zelensky-Winsor-Castle-062325-245c01bb220e4510ab99be8e705962c4.jpg)
