ტროპიკული კლიმატი, ოკეანე, ულამაზესი სანაპიროები პალმებით, კაშკაშა მზე, უძველესი კულტურა, ეგზოტიკური ხილი, უგემრიელესი საკვები და ველური ბუნება – ეს კუნძული შრი-ლანკაა. თბილისიდან დუბაის გავლით, სულ რამოდენიმე საათში აღმოვჩნდი კოლომბოს აეროპორტში, ნახევარ საათში კი თვალუწვდენელ „ნეგომბოს“ პალმებიან და ოქროს ქვიშიან სანაპიროზე, Club Dolpfin Negombo-ს სასტუმროში დავბინავდი.
ულამაზეს სანაპიროზე ნებივრობის შემდეგ მოგზაურობის დროც დადგა – უძველესი კლდეში ნაკვეთი ციხესიმაგრე – „სიგირიია“ უნდა მოვინახულო. თავდაპირველად მუზეუმს ვესტუმრე, სადაც შრი-ლანკის უძველესი კულტურული მემკვიდრეობაა დაცული და შემდეგ კი გიდს „ლომის კლდის“ სანახავად მივყავარ.
საღამოს სასტუმრო Cinnamon lodge, Habarana-ში ვბინავდები, რომელიც მწვანე ტყეში მდებარეობს. მთისკენ მივემართები, გზად ჩაის პლანტაციაში გავიარე, დავაგემოვნე და შევიძინე კიდეც სხვადასხვა არომატის ჩაი.
შემდეგი გაჩერება კი ქალაქი ქანდია. ის მთებითა და ტბებითაა გარშემორტყული. ქანდი ცნობილია Dalada Maligawa –ს ბუდისტური ტაძრით, რომელიც ძალიან შთამბეჭდავია.
საღამოს სასტუმროში ,,Cinnamon Wild Yala’’ მივედი, მეორე დილას ნაციონალურ პარკისკენ გავეშურე და მართლაც „ველურ სამყაროს“ ვეზიარე. ვუბრუნდები ოკეანეს სანაპიროს, აღსანიშნავია, რომ შრი-ლანკას სანაპირო, აღიარებულია როგორც ერთ-ერთი ულამაზესი დედამიწაზე.
„ბენტონტა“ – შრი-ლანკის ერთ-ერთი ყველაზე პოპულარული და გრძელი სანაპიროა, მდიდრული ცხოვრების მოყვარულებისთვის. ამ მოგზაურობაში ჩემი ფავორიტი სასტუმრო „Cinnamon Bentota Hote“l -ია.ულამაზესი ავთენტური ინტერიერით.
ტურის ბოლო დღეს სასტუმროში „Cinnemon Grand Colombo“-ში ვბინავდები. დახვეწილი, მდიდული გარემო და ულამაზესი ხედები. აქ ძირითადად საქმიან ადამიანებს შეხვდებით, საღამოს კოლომბოს ქუჩებში ვსეირნობ, ფართო ხმაურიანი ქუჩები სავსეა სურნელოვანი სანელებლებით, ფერადი აბრეშუმებით და ტუკ-ტუკებით.
განსაკუთრებით აღსანიშნავია კეთილგანწყობილი და ღიმილიანი ადამიანები, რომლებიც ძალიან სტუმართმოყვარეები არიან.
განსაკუთრებული მადლობა ორგანიზატორებს: შრი-ლანკის საპატიო კონსულს, ნინო მახვილაძეს, შრი-ლანკის ტურიზმის სამინისტროსა და შრი-ლანკის საელჩოს თურქეთში, Sri Lanka Tourism Promotion Bureau-სა და „Cinnamon Hotels & Resorts“-ების ქსელს.
