დემნას დეკადა ბალენსიაგაში დასრულდა
პარიზში, კერინგის შტაბბინაში, რუ დე სევრზე დემნა გვასალიამ ბოლო, 54-ე Couture კოლექცია წარადგინა. მისი დებიუტი Balenciaga – ში 2016 წლის შემოდგომაზე შედგა და ათი წლის მანძილზე, ყოველ სეზონზე უფრო და უფრო შთამბეჭდავ კოლექციას გვთავაზობდა. მან ტრადიციული სტანდარტების ამოტრიალებით, ქუჩისა და მაღალი მოდის კონცეფციების შერწყმით და საოცარი კრეატივით მოდის რევოლუციონერის სახელი მოიპოვა.
„შევეცადე მაქსიმალურად ახლოს მივსულიყავი კრისტობალ ბალენსიაგას შემოქმედების მთავარ სულისკვეთებამდე – შეუძლებელ სრულყოფილებამდე. კოლექცია პარიზის ქუჩებში გადავიღეთ, ამით პატივსცემა გამოვხატე იმ ადგილების მიმართ, სადაც ჩემი კარიერა დაიწყო.“
კოლექცია ისეთმა ვარსკვლავებმა წარადგინეს, როგორიცაა Isabelle Huppert, Kim Kardashian, Naomi Campbell, Eva Herzigova…
Lady-like სილუეტები, რასაც Lorraine Schwartz-ის ბრჭყვიალა სამკაულები აფორმებდა. კოლექცია გამოირჩევა დემნასთვის დამახასიათებელი სკულპტურული სიმკაცრით.
ჩვენებას უამრავი ვარსკვლავი დაესწრო – ნიკოლ კიდმანი, კეტი პერი, დუა ლიპა, ქარდი ბი, ჰანტერ შეფერი, ლორენ სანჩესი. ამასთან, შოუს მომავალი დირექტორი, პიერპოლო პიჩოლიც ესწრებოდა.
შეგახსენებთ, რომ დემნა უკვე გუჩის კრეატიული დირექტორია და პოზიციას 10 ივლისიდან დაიკავებს.
ასევე დაგაინტერესებთ:
