BALENCIAGA-ს შემოქმედებითი დირექტორი დემნა გვასალია მოდის სახლს, ათწლიანი თავგადასავლის შემდეგ ემშვიდობება. მისი ბოლო, გამოსამშვიდობებელი კუტიური შოუ 9 ივლისს, პარიზში გაიმართება, მოსაწვევად კი სტუმრებმა ოქროთი დაფარული, ბრინჯაოს ძაფი მიიღეს.
View this post on Instagram
დიზაინერმა აღნიშნა, რომ თითოეულ ნაკერს დიდი მნიშვნელობა აქვს. მოსაწვევი არ არის უბრალოდ სიმბოლო, ამ ჟესტით პარიზის ატელიეს მკერავებს და შიდა პროცესებში ჩართულ ადამიანებს, რომლებიც ფიზიკურად შრომობენ და დიდ ძალისხმევას დებენ საქმეში, მადლობა გადაუხადა.
წლების განმავლობაში მისი მოსაწვევები მოდის არქივის ცალკე სექციად იქცა. ისინი ისეთივე ორიგინალური იყო, როგორც მისი კოლექციები.
გთავაზობთ ყველაზე გამორჩეული მოსაწვევების ფოტოებს
და ბოლოს, ოქროს ძაფი. დემნა გვასალიას 10 წლიანი მოღვაწეობა მართლაც ოქროს ძაფით მოიქარგება ბალენსიაგას მოდის სახლის შემოქმედების ისტორიაში.
შეგახსენებთ, რომ დემნა გვასალია 2025 წელს იტალიური მოდის სახლის, Gucci-ის შემოქმედებით დირექტორად დაინიშნა. BALENCIAGA-ს მომავალი კრეატიული დირექტორი, იტალიელი დიზაინერი – პიერპაოლო პიჩოლიც იქნება.
ასევე, დაგაინტერესებთ:
#OK! დემნა გვასლია Gucci-ის სათავეში – მოდის ინდუსტრიაში ახალი ერა იწყება
#OK! დემნა გვასალია – მოდის ქართველი რევოლუციონერი სოხუმიდან
