#OK! დემნას გვასალიას საპატივსაცემოდ პარიზში გამოფენა გაიხსნა – როგორ გამოემშვიდობა დიზაინერს BALENCIAGA?

დემნა გვასალიას Balenciaga -ში მოღვაწეობის 10 წლის აღსანიშნად kering group – მა  პარიზში გამოფენა მოაწყო და დიზაინერი პატივისცემით გააცილა. დემნამ, ბრენდის მფლობელს – ფრანსუა პინოს მეილი აჩვენა, რომლითაც 2007 წელს, ბალენსიაგამ სტაჟიორად მიღებაზე უარი უთხრა.

 

View this post on Instagram

 

A post shared by Lara Volpato (@hey_imlara)

გამოფენის გახსნაზე BALENCIAGA-ს მომავალი კრეატიული დირექტორი, იტალიელი დიზაინერი – პიერპაოლო პიჩოლიც იმყოფებოდა.

ამერიკულმა Vogue – მა ვრცელი სტატია მიუძღვნა  და მოდის ქართველი რევოლუციონერი კიდევ უფრო განსხვავებული კუთხით წარმოაჩინა.

,,ის მაგიდასთან მელოდება, ნაცრისფერი ჰუდი აცვია. დღის ბოლოს პატარა შესვენება აქვს, პარიზში ფინალური  ჩვენებისთვის ემზადება, რომელსაც ივლისის დასაწყისში გამართავს“ –  წერს ვოგის ჟურნალისტი.

ბოლო ჩვენება „კერინგის“ შტაბბინაში იმართება, რუ დე სევრზე. დასწრების მსურველებს 9 ივლისამდე შეუძლიათ ჩაწერა.

გამოფენა იმ  შეტყობინებით დაიწყება, რომელიც დემნამ ბალენსიაგასგან 2007 წელს მიიღო. ანტვერპენის აკადემია ახალი დამთავრებული ჰქონდა და სტაჟირებისთვის ადგილს ეძებდა.

-გამეცინა, როცა ვიპოვე. მაშინ ინტერნად მიღებაზე მქონდა განაცხადი გაგზავნილი და საბედნიეროდ, არ მიმიღეს.

-საბედნიეროდ?

-რა თქმა უნდა! იმიტომ, რომ სხვა შემთხვევაში ჩემი პროფესიული გზა ასე არ  განვითარდებოდა.