დღეს სამშენებლო დეველოპერული ბაზარი ძალიან კონკურენტუნარიანია. იმისთვის, რომ ამ სფეროში თავი დაიმკვიდრო და შენი სიტყვა თქვა, აუცილებელია არ ჩამორჩე ტემპს და მოხმარებელს შესთავაზო ახალი, გამორჩეული და მაქსიმალურად მასზე მორგებული სერვისი. დღეს გიამბობთ დეველოპერული კომპანია „თბილისი ჰაუსის“ შესახებ, რომელიც 2019 წლიდან წარმატებით ოპერირებს ბაზარზე და საზოგადოებას სთავაზობს უმაღლესი ხარისხისა და შესრულების სამშენებლო პროექტებს. კომპანიის მიმდინარე პროექტია „გორგასალი თაუერი“ – ეს არის მრავალფუნქციური კომპლექსი, რომლის კონცეფციაც სრულიად ერგება თანამედროვე ინფრასტრუქტურის სტანდარტებსა და უახლეს სამშენებლო მოთხოვნებს. პროექტის უპირატესობებზე უფრო ვრცლად, „თბილისი ჰაუსის“ დამფუძნებლები, მიხეილ ძაგანია და დავით კოკაია გვესაუბრნენ.
გვიამბეთ Tbilisi house-ის მიმდინარე პროექტზე.
(მიხეილ ძაგანია): ქალაქის სხვადასხვა უბანში ამჟამად დასრულებულია 4 პროექტი, გვაქვს 3 მიმდინარე მშენებლობა ისანში, დიღომსა და ორთაჭალაში, ხოლო 2 საცხოვრებელი კომპლექსის პროექტირება მიმდინარეობს.
„გორგასალი თაუერი“ პრემიუმ კლასის კომპლექსია, რომელიც შენდება ქალაქის ისტორიულ უბანში, ორთაჭალაში (გორგასლის #32). იგი უნიკალური კონცეფციის მქონე პროექტია, რომელიც აერთიანებს თანამედროვე დიზაინსა და სამშენებლო სტანდარტებს. „გორგასალი თაუერი“ აერთიანებს: კომერციულ/საოფისე სივრცეებს; 180 საცხოვრებელ ბინას; მოსახერხებელ მდებარეობას; დახურულ და ღია ავტოფარეხებს; კეთილმოწყობილ ეზოსა და საბავშვო ინფრასტრუქტურას; სპორტულ მოედანს; პანორამულ ხედებს მტკვარზე და მორგებულ გადახდის პირობებს.
„გორგასალი თაუერის“ ერთ-ერთი უპირატესობა მის ოპტიმალურ გეგმარებაშია, რომელიც გულისხმობს სივრცის პრაქტიკულ გამოყენებასა და ინტერიერში მზის სხივების თანაბარ შეღწევადობას. პროექტის კონცეფცია სრულიად ერგება თანამედროვე ინფრასტრუქტურის სტანდარტებსა და უახლეს სამშენებლო მოთხოვნებს. ბინის შეძენის ნებისმიერ ეტაპზე ჩვენ ვზრუნავთ მომხმარებლების კომფორტზე და გთავაზობთ შეღავათიან გადახდის პირობებს:
შიდა 0% განვადება
0% წინასწარი შენატანი
ფასდაკლება ერთიანი გადახდისას.
გამორჩეულია ასევე, პროექტის ლოკაცია, სულ რაღაც 5 წუთის სავალზე მდებარეობს ქალაქის მთავარი ტურისტული ატრაქციები, რაც მას მიმზიდველს ხდის ასევე საინვესტიციოდ. ამასთანავე, „გორგასალი თაუერში“ შენი სახლის ფანჯრიდან მტკვარზე ხედები იშლება, ხოლო ირგვლივ გამწვანებული გარემოა.
აღსანიშნავია, რომ ჩვენი ყველა პროექტი ჩართულია „საქართველოს ბანკის“ „გარანტირებული შენაძენის პროგრამაში“. ამასთან, მოქნილი გადახდის პირობით მომავალ მობინადრეებს ვთავაზობთ ინდივიდუალურ გადახდის გრაფიკს და შიდა უპროცენტო განვადებას.
სამშენებლო სფერო საკმაოდ აქტიურია საქართველოში, რა გამოგარჩევთ ბაზარზე კონკურენტებისგან?
(დავით კოკაია): უპირველესად, მინდა აღვნიშნო, რომ ძალიან გაგვიმართლა გუნდში. ჩვენ თავად ვართ ჩართული ყველა დეტალში, არასდროს უგულებელვყოფთ მობინადრეების უკუკავშირს, თუნდაც უმნიშვნელო იყოს, მყისვე ვრეაგირებთ. მომხმარებელიც ხედავს ამას და ვფიქრობთ, ეს არის ძირითადი მიზეზი ჩვენი წარმატების – ჩვენ მათ გვერდით ვართ ყოველთვის. შემდეგ გამოვყოფდი დროს, ჩვენი პროეტები დათქმულ ვადებში სრულდება, არ ვართ დამოკიდებული გაყიდვებზე.
ასევე გამოვყოფდი ფინანსურ მდგრადობას, გარდა იმისა, რომ „საქართველოს ბანკის“ კორპორაციული კლიენტები ვართ და მათი მხარდაჭერა უდიდესია, რისთვისაც მადლობა მათ, ასევე ჩვენ ფინანსურად სტაბილური და მდგრადი ჯგუფი ვართ, არ ვართ წარმოდგენილი მხოლოდ სამშენებლო სექტორში.
გეთანხმებით, სექტორში კონკურენცია მაღალია, თუმცა მოგეხსენებათ, ბევრია გაპრობლემებული და დაუსრულებელი მშენებლობებიც. ზოგჯერ კომპანიები ვერ ახერხებენ, დაკისრებულ ვალდებულებას გაართვან თავი, საბოლოოდ კი ზარალდებიან ადამიანები, რომლებიც შეიძლება მთელი ცხოვრება აგროვებენ ბინის შესაძენად თანხას ან უნდა იხადონ კრედიტი. მთავარი მაინც პატიოსნება და პასუხისმგებლობის გრძნობაა. ჩვენ, მე და მიშა ერთად გავიზარდეთ, ბავშვობიდან ერთად მოვდივართ, გავიზარდეთ იმ მთავარი კრიტერიუმებით, რომ პატიოსნება და სისუფთავე საქმესა და ურთიერთობებში არის ყველაზე აღმატებული.
დიდხანს ვფიქრობთ და ვაანალიზებთ, როცა რამე გადაწყვეტილებას ვიღებთ, ჩვენს საქმეში შეცდომა არ შეიძლება! ასე მოვედით აქამდე, თითეული ნაბიჯი გაზომილი და აწონილია ათასჯერ, ჩვენი კონსტრუქტორები, არქიტექტორები და მშენებელ-ინჟინრები საქმის ნამდვილი პროფესიონალები არიან და გათავისებული აქვთ მათი წილი პასუხისმგებლობა.
როგორია სამომავლო ხედვა?
(მიხეილ ძაგანია): ჩვენი ყველა პროექტი ხელსაყრელ ლოკაციაზეა. კომპანია მის არსებულ და პოტენციურ მობინადრეებს შორის სარგებლობს მაღალი რეპუტაციით, რაც უმნიშვნელოვანესი ფაქტორია დღეს არსებული მაღალი კონკურენციის პირობებში. ასევე ჩვენ ვზრუნავთ მშენებლობის ხარისხისა და დიზაინის მუდმივ სრულყოფაზე, იქნება ეს შენობის კონსტრუქციული მდგრადობა თუ გარე მოსაპირკეთებელი მასალები.
გვინდა გამოვყოთ პრემიუმ კლასის საცხოვრებელი კომპლექსი ლისზე, სადაც ყველა პირობა იქნება დასვენებისა და მყუდრო ცხოვრებისთვის. ადგილმდებარეობის სპეციფიკიდან გამომდინარე (ეკოლოგიური გარემო), 9000 კვ.მ-ზე განთავსდება ორი 5-სართულიანი ბლოკი, სადაც იქნება დასასვენებელი და ბავშვთა გასართობი სივრცეები.
ჩვენი მთავარი მონაპოვარი კომპანიისა და მომხმარებლის საერთო ღირებულებებია, რაც გამომდინარეობს ნდობიდან და მობინადრეებზე ზრუნვიდან. ჩვენი მთავარი ამოცანა ხარისხის მუდმივი კონტროლი და განვითარებისკენ სვლაა.
