ქუთაისში სრულიად ახალი ფორმატის საბანკო სივრცე გაიხსნა – „სტუდიო ლიბერთი“, რომელიც კომფორტს, ტექნოლოგიასა და პერსონალიზებულ მომსახურებას აერთიანებს. ეს არის ადგილი, სადაც პრემიუმ ბანკინგი სხვა გამოცდილებად გარდაიქმნება. ამ ეტაპზე საქართველოში ორი ფილიალია – თბილისში და ქუთაისში.
“სტუდიო ლიბერთის” შესახებ OK! ქუთაისს „ლიბერთის“ პერსონალური ბანკინგისა და მომხმარებლისთვის ღირებულების შექმნის დეპარტამენტის ხელმძღვანელი, ლედი კოჭლამაზაშვილი ესაუბრა:
„ლიბერთის“ სტრატეგიაა, ჩამოყალიბდეს უნივერსალურ ფინანსურ ინსტიტუტად – ამ სტრატეგიის ფარგლებში ბანკი სწრაფად ვითარდება და მიზნად ისახავს მომხმარებლის ყველა სეგმენტის სრულად მოცვას, სერვისების და პროდუქტების თითოეული მომხმარებლის საჭიროებებზე მორგებას.
ჩვენი ბანკი ემსახურება 1,7 მილიონზე მეტ ფიზიკურ პირს და 50 ათასზე მეტ ბიზნესს – ეს მაჩვენებლები კი მუდმივად მზარდია. ბოლო წლებში განსაკუთრებით გავიზარდეთ მცირე და საშუალო ბიზნესის, ასევე კორპორაციული სეგმენტის მიმართულებით. შესაბამისად, გაჩნდა საშუალო და მაღალშემოსავლიანი მომხმარებლების მნიშვნელოვანი სეგმენტი, რომლისთვისაც გვსურს გავხდეთ ძირითადი მომსახურე ბანკი. სწორედ ამ იდეის საფუძველზე შეიქმნა „სტუდიო ლიბერთი“ – პრემიუმ საბანკო მომსახურების ახლებური გამოცდილება – საქართველოში პირველი სივრცე, რომელიც ბიზნესისა და პირადი ინტერესების თანაკვეთაზე შეიქმნა“, – გვიყვება ლედი კოჭლამაზაშვილი.
უნივერსალური სერვისი თანამედროვე სივრცეში
„სტუდიო ლიბერთი“ შექმნილია იმ მომხმარებლისთვის, ვინც აფასებს მაღალი ხარისხის მომსახურებას, პროფესიონალურ რჩევებს და სტილს. სივრცე მულტიფუნქციურია – სამუშაოდ, საქმიანი შეხვედრებისთვის თუ საბანკო ოპერაციების მოსაგვარებლად.
აქ არ არის ბარიერები – ღია გეგმარება და გამჭვირვალე ვიტრაჟები ქმნის კომფორტს და ამავე დროს, პრივატულ გარემოს. წინასწარ დაჯავშნით შესაძლებელია შეხვედრების ოთახის გამოყენება პირადი და ბიზნესპროექტებისთვის.
„სტუდიო ნაკრები“ – პრემიუმ გამოცდილება
სტუდიოს წევრებისთვის ხელმისაწვდომია სპეციალური საბარათე ნაკრებები – Visa Platinum, MasterCard World Elite, და ახალი Top|Card Black Edition. მათთვის გათვალისწინებულია როგორც საბანკო, ასევე არასაბანკო უპირატესობები: სამოგზაურო ბენეფიტები, ექსკლუზიური შეთავაზებები და ციფრული სერვისები ერთ სივრცეში.
აქ დაგხვდებათ სტუდიო ბანკირი – პროფესიონალი, რომელიც ინდივიდუალურად მოგემსახურებათ და ფინანსური გადაწყვეტილებების მიღებაში დაგეხმარებათ.
ქართული ხელწერა & გლობალური ხედვა
პროექტზე მუშაობდნენ როგორც ადგილობრივი, ისე საერთაშორისო პარტნიორები: ინტერიერის დიზაინზე პასუხისმგებელი იყო KOM Hive, ბრენდინგზე – Holy Motors და Co. Consultancy, ხოლო უნიფორმები შეიმუშავა ქართულმა ბრენდმა TATUNA.
განვითარება გრძელდება
„სტუდიო ლიბერთი“ 2024 წლის ბოლოს ქუთაისში გაიხსნა. კონცეფციამ დიდი მოწონება დაიმსახურა, და უკვე დაწყებულია გაფართოების ეტაპი – ახალი სივრცეები მალე ქვეყნის სხვა ქალაქებშიც გამოჩნდება.
ფოტო: ხათუნა ხუციშვილი
გიორგი მამასახლისი
