აღდგომა საქართველოში ერთ-ერთი ყველაზე მნიშვნელოვანი დღესასწაულია, რომლისთვისაც ყველა ქრისტიანის ოჯახში განსაკუთრებული მზადება მიმდინარეობს. ამ დღესასწაულის ერთ-ერთი განუყრელი ნაწილი პასკაა, რომელიც აღდგომის ღამით ყველა ოჯახის სუფრაზე დაგხვდებათ, სწორედ ამიტომ OK! გთავაზობთ სააღდგომო პასკის მარტივ და გემრიელი რეცეპტს
ინგრედიენტები:
- 12⁄5 კგ. შაქარი
- 1 ჩ/ჭ წყალი
- 300 გრამი ქიშმიში
- 11⁄10 ლიტრი რძე
- 21⁄2 კგ. ფქვილი
- 50 გრამი საფუარი
- 10 ცალი კვერცხი
- 2 შეკვრა მარგარინი
- 150 გრამი კარაქი
- 200 მლ. ზეთი
- 4 შეკვრა ვანილი (0,8 გრ.)
- 1 ს/კ მუსკატის კაკალი, ილი, კარდამონი
- 1 ს/კ ლიმონის ცედრა
მომზადების წესი:
0,5 ჩ/ჭ შაქრის ფხვნილისგან და 1 ჩ/ჭ წყლისგან გააკეთეთ სიროფი. ჩაყარეთ ქიშმიში (300გრ) და ადუღეთ 5 წთ. მოდუღების შემდეგ ქიშმიში საწურზე დააწყეთ, სიროფი კი შეინახეთ.
ქვაბში ჩაასხით 1 ლიტრი თბილი რძე, 1 ჩ/ჭ შაქარი, 100 გრ ფქვილი, 50 გრ საფუარი (საფუარი გახსენით 1 ჩაის ჭიქა რძეში) და ხელით ურიეთ ისე, რომ საფუარის ბურთულები დაიშალოს. დააფარეთ პოლიეთილენი, დადგით თბილ ადგილზე.
წინასწარ კვერცხის ცილები უნდა შედგათ საყინულეში, ოღონდ არ გაყინოთ. 10 კვ. გულითა და 0,5 კგ შაქრის ფხვნილით გააკეთეთ გოგლი-მოგლი.
ცალკე ჯამში ათქვიფეთ ცილები. თქვეფის დროს დაამატეთ1 პატარა კოვზის პირი ლიმონის მჟავა ან მარილი დათქვიფეთ სანამ ღრუბლისებრ მასას არ მიიღებთ. შემდეგ დაუმატეთ 500 გრ. შაქარი და გოგლი-მოგლი. შეურიეთ წინასწარ სითბოში გამდნარი 2 შეკვრა მარგარინი, 150 გრ კარქი, 200 გრ ზეთი, საფუარიანი ცომი და ხელით სათუთად ურიეთ. დაუმატეთ 4 ც. ვანილი და ქიშმიში. პარალელურად ურიეთ და დაუმატეთ 1 ს/კ მუსკატის კაკალი, 1 ს/კ ილი, 1ს/კ კარდამონი, 1 ს/კ ლიმონის ცედრა და ცოტა მარილი.
ცომი მოზილეთ სითბოში. ფქვილი დაცერით იმდენი რომ ფაფუკი ცომი გამოვიდეს. დაახლოებით 2-2,5 კგ. ცომი დადეთ თბილად და როცა ამოვა, ჩაზილეთ. ეს უნდა მოხდეს 2-ჯერ. შემდეგ ფორმებში გაანაწილეთ. აქვე გაცნობებთ, რომ ცომის აზილვამდე ხელები ყოველთვის ზეთით უნდა დაისველოთ და ისე შეეხოთ.
ცომი გადავანაწილოთ ფორმებში, თითო ფორმაში მოათავსეთ იმდენი ცომი, რომ ფორმის მოცულობის 50 პროცენტზე ოდნავ მეტი შეავსოს. აცადეთ ცომს ფორმაში აფუება, ზემოდან მოუსვით სიროფი (რომელიც თავიდან მოადუღეთ)
ბოლოს, შედეთ ფორმაში მოთავსებული ცომი წინასწარ გახურებულ ღუმელში 150 გრადუსზე. კარგად რომ ამოვა, ოდნავ დაუწიეთ ტემპერატურას. ბოლოს ხის ჩხირით გასინჯეთ. თუ ჩხირს ცომი არ ამოჰყვა, პასკა მზად არის. გამომცხვარ პასკას სურვილისამებრ მოაყარეთ შაქრის პუდრა.
