33 წლის მომღერალი Rihanna არაჩვეულებრივი გემოვნებით და ჩაცმის სტილით გამოირჩევა. მისი იმიჯი უამრავი ადამიანისთვის მისაბაძი, ბევრისთვის კი ინსპირაციის წყაროა. დიდი პოპულარობიდან გამომდინარე Rihanna პაპარაცების ობიექტივში ხშირად ხვდება, თუმცა ფანებს მისი გამოჩენით იმედებს არასოდეს უცრუებს. გამონაკლისი არც უკანასკნელი შემთხვევა გამხდარა, როდესაც ის ნიუ-იორკის ქუჩებში შენიშნეს.
მომღერალი პრესტიჟულ რესტორანს, Nobu-ს ეწვია. მას ვინტაჟური სტილის, ჯინსის შარვალი ეცვა, რომელსაც Gucci-ს, წითელი ფერის, ტყავის, 3100 ფუნტის ღირებულების პიჯაკი და შავი ფეხსაცმელი ოქროს აქსესუარებთან ერთად შეუხამა.
