პოპულარულმა ამერიკელმა მსახიობმა რიზ უიზერსპუნმა 900 მილიონი დოლარი წიგნებით გამოიმუშავა. თუ ფიქრობთ, რომ მსახიობი ავტოგრაფიანი წიგნების გაყიდვით გამდიდრდა, ცდებით. უიზერსპუნმა მედიაბიზნესში ერთ-ერთ ყველაზე გენიალური სტრატეგია დანერგა, რომელსაც ახლა ბიზნეს-სკოლებში ასწავლიან.
მსახიობს Instagram-ზე წიგნის კლუბი აქვს. ეს არის პლატფორმა მილიონობით მკითხველისთვის, რომელიც მის გემოვნებას ენდობა. რიზი გამომცემელთან მიდის და ეუბნება, რომ მათ წიგნს ჩემს კლუბში რეკლამას გავუწევს, ისინი კი სანაცვლოდ მისი ეკრანიზაციის უფლებას მისცემენ. წიგნი მყისიერად ბესტსელერი ხდება და გაყიდვები იმატებს. რიზის აზრით, თუ მკითხველს მოეწონა, მაყურებელსაც მოეწონება.
უიზერსპუნს წიგნი Netflix-თან, Apple-თან ან HBO-თან მიაქვს. იმის დასადგენად, ეკრანიზაციაში ვინ უფრო მეტს გადაიხდის, აუქციონი იწყება. ასე გაჩნდა „დიდი პატარა ტყუილები“, „დილის შოუ“, „გამქრალი“ და ა.შ.
რიზ უიზერსპუნი მსახიობიდან ნამდვილ მედია მაგნატად იქცა. ბიზნეს იდეამ მას 900 მილიონი დოლარი მოუტანა.
რიზ უიზერსპუნის კარიერა 14 წლის ასაკში, 1991 წელს ფილმ The Man in the Moon-ში შესრულებული როლით დაიწყო. მსახიობს ყველაზე დიდი წარმატება 2001 წელს ცნობილ ფილმ Legally Blonde-ში შესრულებულმა მთავარმა როლმა მოუტანა. 49 წლის ვარსკვლავი დღეისთვის ჰოლივუდის ერთ-ერთი ყველაზე მაღალანაზღაურებადი მსახიობია.
