ოლივია უაილდის ახალი გამოჩენა სან-ფრანცისკოს კინოფესტივალზე ინტერნეტში განხილვის მთავარ თემად იქცა. მსახიობი, რომელიც ფილმის „The Invite“ პრომოუშენზე იმყოფებოდა, წითელ ხალიჩაზე ბევრად უფრო გამხდარი გარეგნობით გამოჩნდა, ვიდრე მანამდე, რამაც სოციალურ ქსელებში არაერთგვაროვანი რეაქციები გამოიწვია.
2026 წელი
2025 წელი
ფესტივალის ფოტოები და ვიდეოები სწრაფად გავრცელდა ონლაინ სივრცეში. ნაწილი მომხმარებლებისა მის გარეგნობას ჯანმრთელობის კუთხით აფასებდა და შეშფოთებას გამოთქვამდა, ნაწილი კი აღნიშნავდა, რომ ცვლილება შესაძლოა განათების, სტილის ან უბრალოდ ასაკის ბუნებრივი პროცესის შედეგი იყოს.
დისკუსიამ კრიტიკული ტონიც მიიღო – ზოგიერთმა კომენტარმა მსახიობის გარეგნობა თანამედროვე სილამაზის ტრენდებსა და წონის სწრაფი კლების პრაქტიკას – კერძოდ კი ოზემპიკს დაუკავშირა. ბოლო წლებში ოზემპიკი ფართოდ გახდა ცნობილი, რადგან ბევრმა ადამიანმა მისი გამოყენებისას წონის კლება შენიშნა. სწორედ ამიტომ ის ხშირად გახდა სოციალური მედიის თემაც, განსაკუთრებით მაშინ, როცა ცნობილი ადამიანების სწრაფ წონაში კლებას მას უკავშირებენ.
ამ მოსაზრების პარალელურად, ფანების ნაწილი ოლივიას მიმართ მსგავს შეფასებებს ზედმეტად მიიჩნევს და აცხადებს, რომ სხეულის გარეგნობაზე ასეთი საჯარო განხილვები უსამართლოა.
მიუხედავად გავრცელებული ვარაუდებისა, ოლივია უაილდს ამ თემაზე ოფიციალური კომენტარი არ გაუკეთებია. ღონისძიებაზე ის მშვიდად მონაწილეობდა პრომოუშენში, ჟურნალისტებთან საუბრობდა და ფოტოებისთვის პოზირებდა.
