ბედნიერებაა, წარმოადგენდე ბრენდს, რომელიც მაღალ ხარისხსა და მრავალფეროვნებასთან ასოცირდება. მეშვიდე წელია მაქვს პატივი, როგორც ჟურნალისტმა, „OK! ბათუმზე“ ვიმუშაო და კიდევ უფრო ახლოდან გაგაცნოთ სხვადასხვა სფეროში მოღვაწე წარმატებული ადამიანები. პიროვნებები, რომლებიც ქმნიდნენ და ქმნიან ბათუმის ყოველდღიურობას. თითოეული ტექსტი, რომელსაც ჟურნალის ფურცლებიდან გაეცნობით, დიდი სიყვარულითა და სითბოთია მომზადებული. მსურს, ჩემი რესპონდენტები მაგალითი გახდნენ სხვებისთვის, როგორც მებრძოლი, მუდმივად განვითარებისკენ ორიენტირებული ადამიანები.
მინდა ვისარგებლო შემთხვევით და მადლობა გადავუხადო OK!-ის მთელ გუნდს, რომლებიც თანამშრომლობის პირველივე დღიდან მიქმნიან კომფორტს და, რაც ყველაზე მთავარია, მიცხადებენ სრულ ნდობას, ეს კი მაძლევს საშუალებას, მშვიდად ვაკეთო ის საქმე, რომელიც ძალიან, ძალიან მიყვარს. მადლობას ვუხდი თითოეულ რესპონდენტს, რომელთა დიდი ნაწილი უკვე ჩემი მეგობარია. ადამიანებს შორის ურთიერთობები ყველაზე დიდი ხელოვნებაა და ბედნიერი ვარ, რომ ჩვენ შორის მყარი, საინტერესო და ჰარმონიული კავშირი დამყარდა.
დიახ, „OK! ბათუმი“ ჩემი ყველაზე ბრჭყვიალა სიყვარულია, რომლისთვის დახარჯული არცერთი წამი არ მენანება, პირიქით, მზად ვარ, მანამდე ვიზრუნო მასზე, სანამ დავჭირდები, სანამ ერთმანეთი ისეთი სიყვარულით გვეყვარება, როგორითაც დღეს გვიყვარს.
სიყვარულით, ნანა აბულაძე
