რისთვის არის საჭირო ქვეცნობიერში მოგზაურობა და ყველა მიდის თუ არა ამ მოგზაურობაში?
მოგზაურობა ქვეცნობიერში არის შემდეგი დონე პიროვნული განვითარების გზაზე. არსებობს ეტაპები, რომელსაც გავდივართ ფსიქიკის ცნობიერი ნაწილით, ვმუშაობთ ფსიქოლოგებთან, ვკითხულობთ უამრავ მასალას თუ ლიტერატურას ამ თემაზე, ვუყურებთ უამრავ იუთუბვიდეოს, გავდივართ ტრენინგებს ამ ურთიერთობის, კომუნიკაციის, თვითგამოხატვის სხვადასხვა მიმართულებით. დღევანდელ დღეს ეს მასალა არის სრულიად ხელმისაწვდომი, მაგრამ დგება ეტაპი, როდესაც ხვდები, რომ შენ გაჯერებული ხარ ამ ინფორმაციით, იცი ეს ყველაფერი ცნობიერად, ამისთვის მომზადებული ხარ, მაგრამ რატომღაც ხდება სწრაფი გადასვლა შემდეგ დონეზე, რასაც ფეხს ვერ უწყობ. ანუ შენი განვითარება ჯერ კიდევ ფერხდება და ვერ ხვდები, რატომ ხდება ეს შენელება. ანუ როდესაც ადამიანი ამ ინსტრუმენტებს „შემთხვევით“ ხვდება, და ამასთან ამის მზაობა აქვს, გადაიყვანს შემდეგ დონეზე. ამის მთელი ხიბლი არის ის, რომ რაც უფრო სიღრმეში ჩადიხარ შენში, მით უფრო გადადიხარ ზედა დონეზე და ხდება განვითარება. ამ დროს იცვლება ემოციური ინტელექტის, ფსიქიკის, მოქნილობის, ადაპტირების აღქმა. ეს ამპლიტუდა იცვლება თანაბრად, ანუ რაც უფრო ღრმად ჩადიხარ, მით უფრო ზემოთ ადიხარ.
დგება მომენტი, როდესაც ადამიანი ხვდება, რომ სჭირდება ინსტრუმენტები, რომლებიც მუშაობს ფსიქიკის ისეთ შრეებზე, სადაც ცნობიერი ნაწილით ვერ ჩადიხარ, იმიტომ, რომ არსებობს ფსიქიკის დამცავი მექანიზმი, რომლის იქითაც შენ თავად ვერ გადადიხარ, ანუ ცნობიერი ნაწილით იქ ვერ ჩადიხარ. ამისთვის საჭიროა გიდი, სპეციალისტი, რომელიც მოგცემს მიმართულებას და შენს ყურადღებას გადაიტანს ისეთ მნიშვნელოვან წერტილებზე, რომლის გავლის შემდგომაც ადამიანი იწყებს ისეთი სიღრმისეული პროგრამების, ბლოკების, შეზღუდვების აღქმას, რომლებიც არ გიშვებენ და მუშაობენ როგორც შემზღუდავი, დამცავი მექანიზმები. სწორედ ამისთვისაა საჭირო დამუშავება, რათა შეძლო ახალი გაცნობიერებები, შეძლო მიიღო შენი ახალი მე.
რომელი ინსტრუმენტებია, რომლებიც მუშაობს ქვეცნობიერთან?
ესენია: ჰიპნოზი, ჰიპნოთერაპია, რეგრესული ჰიპნოზი, სუნთქვის სხვადასხვა ტექნიკა და ნეიროგრაფიკა. ამ ინსტრუმენტებით გადავდივართ აღქმის შეცვლილ მდგომარეობაში. ამ დროს აუცილებელია გიდი, რომელსაც უკვე გავლილი აქვს ეს პროგრამა და შეუძლია ხელი მოგკიდოს და სწორად შედეგამდე მიგიყვანოს.
ჩამოთვლილი ინსტრუმენტები სხვადასხვანაირად მუშაობს. მაგალითად: ნეიროგრაფიკა იწყებს პირდაპირ აშრევებას დიდი რაოდენობით, მაგრამ შემდეგ დგება მომენტი, როდესაც გარკვეულ ტრამვებში უფრო სიღრმისეულად გვიხდება შეჭრა, ანუ ტრავმის წერტილოვანი დამუშავება. ამ დროს უკვე ჰიპნოზი გვჭირდება. პროცესი, როდესაც ადამიანი გრძნობს ენერგიას, თანადგომას და ბოლომდე მომყვება. სწორედ ამის შემდეგ ხდება ტრავმის დამუშავება. თუ ადამიანს სჭირდება უფრო ღრმა დახმარება, ვმუშაობ რეგრესიით და ვრთავ სუნთქვით პრაქტიკებს. აქ ხდება ენერგიის მოზღვავება, შეგროვება, რათა ქვეცნობიერად წინა გამოცდილებაში გადავვარდეთ. არ ვურჩევ ადამიანებს ამ ტრავმაში დამოუკიდებლად, გიდის გარეშე ჩასვლას. თუ ჯერ არ არის ამისთვის მზად, საჭიროა დაიწყოს ჯერ ხატვით, სადაც არ ხდება ტრავმებთან ცნობიერად შეხება, არამედ ალგორითმი დამოუკიდებლად მუშაობს. ამ დროს თუ ადამიანი მზად არ არის ამ ტრავმებთან შესახვედრად, არ ვურჩევ პირდაპირ ამ გამოცდილების მიღებას. იგულისხმება სუნთქვითი პრაქტიკები, რადგან ამ დროს ხდება ყველა ტრავმის გაშიშვლება და რადგანაც ადამიანმა არ იცის რა უნდა გაუკეთოს ამ ტრავმებს, ვერ ახერხებს ინტეგრაციას. შემდეგ საჭიროებს ამ ტრავმების დალაგება და დახარისხება. ეს ყველაფერი მოდის ბავშვობიდან და ბავშვობის გამოცდილებებიდან. ეს არის ადამიანის ჩრდილოვანი ნაწილი, რომელსაც არასოდეს არ ვაჩენთ. ვაჩენთ მხოლოდ დადებით მხარეს და ვართ ხელოვნურები. რეალურად საჭიროა დავიცვათ საკუთარი თავი. ამიტომ აუცილებელია ვიმუშაოთ ამ სიღრმეებზე და დავამუშაოთ ისინი. უბრალოდ, უნდა შევადგინოთ ჩვენზე მორგებული, კომფორტული ინსტრუმენტი.
კიდევ ერთი ინსტრუმენტი კლასიკურ ფსიქოთერაპიასა და ჰიპნოზს შორისაა, ეს არის უახლესი სამეცნიერო ფსიქოსომატიკა. არ არის ძალიან ღრმა ჰიპნოზისმაგვარი, მაგრამ აქ საკმარისი დონით ჩადიხარ ქვემოთ იმისათვის, რათა გავყვეთ იმ ჯაჭვს, რომელსაც ადამიანს ვაჩვენებთ. საკმაოდ აქტიურად ვიყენებ ამ ინსტრუმენტს, რადგან ძალიან ეფექტურად მუშაობს. მთავარია ჩვენ მივაგნოთ ჩვენზე მორგებულ ინსტრუმენტსა და გიდს, რომელსაც ვენდობით და გვჯერა, რომ დაგვეხმარება საკუთარი თავის რეალურად პოვნაში. ამ ყველაფერს სჭირდება მზაობა ცვლილებებისთვის, შესაძლოა ყველაფერი დავკარგოთ იმისთვის, რომ შევიძინოთ ახალი, ნამდვილი, ჭეშმარიტი ურთიერთობები, საქმე…
