ქართველმა ტოპ მოდელმა, 22 წლის მატილდა გვარლიანმა მსოფლიო მოდის ინდუსტრია კიდევ ერთხელ აალაპარაკა. 17 ტოპ შოუ 2025 წლის F/W-ზე, რაც ფაქტობრივად გაორმაგებული შედეგია მოდელისთვის, რადგან VS-ის ანგელოზობამდე მისი მაქსიმუმი მხოლოდ 8 შოუ იყო სეზონზე. ამავდროულად, მან თავის კარიერაში პირველად დახურა Dolce&Gabbana-ის 2025 შემოდგომა-ზამთარის ჩვენება. მოდელი პოდიუმზე გამოვიდა ისეთი გავლენიანი და ცნობილი მოდის სახლებისთვის, როგორებიცაა: AMI, Dior, Chanel, LOUIS VUITTON, DOLCE & GABBANA, Victoria Beckham.
შეგახსენებთ, რომ მატილდა გვარლიანმა სამოდელო კარიერა 14 წლის ასაკში Look Models Management-ში დაიწყო და დღეს ჩვენს წინაშე ის მსოფლიო მოდის კაშკაშა ვარსკვლავად იქცა. მისი პირველი მნიშვნელოვანი საერთაშორისო ჩვენება Dolce & Gabbana-ს 2020 წლის გაზაფხული/ზაფხულის სეზონის შოუა. ამასთანავე, ის ვიხილეთ Valentino-ის, Chanel-ის, Dior-ის და Lacoste-ის კამპანიებში და ისეთი მოდის სახლების ჩვენებებზე, როგორებიცაა: Louis Vuitton-ი, Gucci, Valentino, Dolce&Gabbana, Ralph Lauren-ი, Diesel-ი, Vivienne Westwood-ი,Chanel-ის, Dior-ის, Fendi-ს, Carolina Herrera .
დარწმუნებულები ვართ, რომ პირველი ქართველი ანგელოზი სამოდელო სამყაროს კიდევ არაერთხელ აალაპარაკებს თავისი განსაკუთრებული ვიზუალით, მიზანდასახულობითა და ქარიზმატულობით.
