რამდენიმე საათის წინ, Victoria’s Secret-ის 2024 წლის ჩვენება გაიმართა. ეს დღე განსაკუთრებით მნიშვნელოვანი იყო თითოეული ქართველისთვის, რადგან Victoria’s Secret-ის პოდიუმზე პირველი ქართველი მოდელი, მატილდა გვარლიანი გამოვიდა.
გვარლიანი ამ ჩვენებაში ჯიჯი და ბელა ჰადიდთან, ადრიანა ლიმასთან, ქენდის სვეინპულთან, დაუცენ კრუსთან, ტეილორ ჰილთან, ქეით მოსთან, ირინა შეიკთან, ბეატი პრინსლოსთან, ალესანდრა ამბროსიოსთან და სხვა ვარსკვლავებთან ერთად მონაწილეობდა.
Victoria’s secret-ის შოუ ყოველწლიური ღონისძიება იყო, რომელიც 1995 წლიდან იმართებოდა, თუმცა 2018 წლის შემდეგ, ყველა დროის ყველაზე გრანდიოზული და მასშტაბური შოუ, რომელსაც ყოველთვის მოუთმენლად ველოდით წელს პირველად გაიმართა.
დიახ, მას შემდეგ, რაც გვარლიანი „ვოგის“ პირველი ქართველი ქავერ-მოდელი და „შანელის“ სუნამოს, Chance-ის სახე გახდა, მან კიდევ ერთ კარიერულ, ძალიან დიდ წარმატებას მიაღწია და ახლა ის უკვე ოფიციალურად, Victoria’s Secret-ის პირველი ქართველი მოდელია.
„აქ ყოფნა ოცნება არ ყოფილა, ეს მიზანი იყო. ეს შოუ იყო ერთადერთი მიზეზი, რის გამოც დედა უფლებას მაძლევდა, რომ გვიანობამდე არ დამეძინა.ძალიან ხმაურიანი ვიყავი, ამ შოუს დროს დედაჩემის ქუსლიან ფეხსაცმელებს ვიცვამდი და თითქოს ერთ-ერთი ვიყავი ამ გოგონებიდან“ – ამბობს ქართველი ტოპ მოდელი.
მატილდა გვარლიანმა მოდელობა Look Models Management-ში 14 წლის ასაკში დაიწყო. თანამშრომლობს ისეთ სააგენტოებთან, როგორებიცაა: Next Model Management (მილანი); Uno Models (მადრიდი, ბარსელონა); Munich Models (მიუნხენი) და Elite Copenhagen (კოპენჰაგენი).
მატილდამ მონაწილეობა მიიღო Pull & Bear 2020 წლის შემოდგომა/ზამთრის კოლექციის სარეკლამო კამპანიაში. მოგვიანებით იგი გამოჩნდა იტალიური Vogue-ის სარეკლამო კამპანიაში.
მოდელის დებიუტი Haute Couture-ზე Dolce & Gabbana-ს 2020 წლის გაზაფხული/ზაფხულის კოლექციის ჩვენებაზე შედგა. ის ასევე გამოვიდა GCDS 2020 წლის გაზაფხული-ზაფხულის შოუზე. 2020 წელს უკრაინული Marie Claire-ის აპრილის ნომრის გარეკანზე ახალგაზრდა ქართველი მოდელი გამოჩნდა.
მოგვიანებით მატილდა Fendi-ის ერთ-ერთი სახე გახდა. ის გადაღებულია Fendi-ის ახალი 2020 წლის გაზაფხული-ზაფხულის ხაზის, Icons-ის სარეკლამო კამპანიისთვის. 2020 წლის ბოლოს მატილდა გახდა Valentino-ს ახალგაზრდული ხაზის, REDValentino-ს სახე. იგი ასევე თანამშრომლობდა ისეთ ცნობილ ბრენდებთან, როგორებიცაა, Parfois, Diesel და Roberto Cavalli.
ბოლო დროს მატილდა გულშემატკივრებს სულ უფრო ხშირად ახარებს ცნობილ ბრენდებსა და მოდის სახლებთან თუ გავლენიან გამოცემებთან თანამშრომლობით.
- სულ რამდენიმე დღის წინ პარიზში Holiday Magazine -ის ახალი ნომრის პრეზენტაცია გაიმართა, გარეკანზე ქართველი მოდელი, მატილდა გვარლიანია გამოსახული;
- მატილდა ასევე პარიზში, CHANEL -ის ახალი კოლექციის ჩვენებაზე გამოვიდა;
- CHANEL -ის შემდეგ, Louis Vuitton -ის ჩვენებაზეც გამოვიდა;
- მოდელი ასევე ვიქტორია ბექჰემის ჩვენებაზე ვიხილეთ;
- Schiaparelli-ს 2025 წლის გაზაფხული/ზაფხულის კოლექციის ჩვენებაზე გამოვიდა;
- Dries Van Noten-ის 2025 წლის გაზაფხული/ზაფხულის კოლექციის ჩვენება პარიზში…
ახალგაზრდა ქართველი მოდელის ამ წარმატებულ ნაბიჯებს სამშობლოში ბევრი გულშემატკივარი ჰყავს, რომლებიც ბოლო სიახლემ, მატილდას Victoria’s Secret-ის შოუსთვის შერჩევამ, განსაკუთრებით აღაფრთოვანა.
ასევე დაგაინტერესებთ:
