რედაქტორისგან
ბოლო დროს დატრიალებული მოვლენების ორომტრიალში ერთი ნათელი რამ გამოჩნდა – ახალი თაობა. მე, Gen X-ის წარმომადგენელი, ქედს ვიხრი Gen Z-ის წინაშე. თავისუფალი ადამიანები, რომლებიც თავისუფალ საქართველოში დაიბადნენ. მათთვის უცხო და უინტერესოა ის უაზრო ორომტრიალი და ინტრიგები, რაც ჩემი თაობისთვის ჩვეულებრივ ამბად იქცა.
ახალი სისხლი და სიცოცხლე – რომელმაც თავი გვაჩვენა უკიდურესად რთულ დღეებში, მომენტალურად მოექცა ყველას ყურადღების არეალში.
რა თქმა უნდა, ეს ნომერი ახალგაზრდებს ეძღვნებათ.
ალბერ კამიუს დავესესხები – „თავისუფალი არის ის, ვისაც არ შეუძლია მოტყუება“. ეს გულწრფელი თაობა არასდროს გვაჩვენებს თავს იმად, რაც არ არის, ისინი პირდაპირ სვამენ კითხვებს და ასევე პირდაპირ პასუხებს ელიან და თუ ამ პასუხს ვერ მიიღებენ, თავად ცდილობენ მათ მოპოვებას, არავის ელოდებიან.
დიდი იმედი მაქვს, რომ მათ ყველაფერში გაუმართლებთ.
აპრილი განსაკუთრებულად მიყვარს. უმეტესად ყველაზე ჯადოსნური დღესასწაული – აღდგომა სწორედ აპრილშია ხოლმე. გილოცავთ ამ ბრწყინვალე დღეს და ყველას გისურვებთ, ჩვენს გულებში აღმდგარიყოს გულწრფელი სიყვარული.
სიყვარულით,
მაიკო წერეთელი
ჟურნალ OK!-ის მთავარი რედაქტორი
ჩაცმულობა: Patrizia Pepe
Location: IQ Studio
ფოტო: ალექსეი სეროვი
