2026 წლის „Victoria’s Secret“-ის შოუზე მსოფლიოს ცნობილ მოდელებთან ერთად მატილდა გვარლიანიც ვიხილეთ. ის პირველი ქართველი მოდელია, რომელმაც ბრენდის ლეგენდარულ პოდიუმზე გაიარა.
მატილდას დებიუტი 2024 წელს შედგა, 2025 წელს კი შოუში მონაწილეობა მეორედ მიიღო. წლევანდელი გამოსვლა მისთვის „Victoria’s Secret“-თან თანამშრომლობის მესამე შემთხვევაა.
მატილდასთვის ამ შოუში მონაწილეობა ბავშვობის ოცნების ახდენას უკავშირდება. 2024 წელს, პირველი გამოსვლის შემდეგ, მოდელმა სოციალურ ქსელში კადრები გააზიარა და დაწერა: “თავს ვგრძნობდი სუპერგმირად, თავს ვგრძნობდი ოცნების ქალად”.
მატილდა ადრეც იხსენებდა, რომ „Victoria’s Secret“-ის შოუს ბავშვობაში დედასთან ერთად უყურებდა და მოდელების ადგილას საკუთარი თავის წარმოდგენას ცდილობდა. წლების შემდეგ კი თავად აღმოჩნდა იმ პოდიუმზე, რომელსაც ოდესღაც ეკრანიდან ადევნებდა თვალს.
„6-7- წლის ვიყავი, პირველად რომ ვნახე „Victoria’s Secret“-ის შოუ. ამან დიდი ემოციები გამოიწვია ჩემში, როცა ვნახე, როგორ გამოდიოდნენ მოდელები პოდიუმზე. ბავშვობიდან დავიწყე ამ პროფესიაზე ფიქრი და სულ მინდოდა, ჩემი თავი ტელევიზორში მენახა. ისე დადიოდნენ, რომ სურვილს აღმიძრავდნენ, მეც მათ გვერდით აღმოვჩენილიყავი.
ეს შოუ იყო ერთადერთი მიზეზი, რის გამოც დედა უფლებას მაძლევდა, რომ გვიანობამდე არ დამეძინა. შოუს დროს დედაჩემის ქუსლიან ფეხსაცმელებს ვიცვამდი და თითქოს ერთ-ერთი ვიყავი ამ გოგონებიდან” – იხსენებდა მატილდა ერთ-ერთ ინტერვიუში.
ასევე დაგაინტერესებთ:
#OK! კაილი ჯენერი „Victoria’s Secret“-ის პოდიუმზე 50-მილიონდოლარიანი ბიუსჰალტერით გამოჩნდა
