One Direction-ის ყოფილი წევრის, ლიამ პეინის სიკვდილთან დაკავშირებით არგენტინაში ბრალი სამ პირს წარუდგინეს. არგენტინის პროკურატურის ინფორმაციით, დაკავებულთაგან ერთ-ერთს, რომელიც თან ახლდა ინგლისელ მომღერალს, ბრალი ედება ადამიანის მიტოვებაში, რასაც მოჰყვა ამ პიროვნების სიკვდილი. კიდევ ორ პირს, მათ შორის, სასტუმროს თანამშრომელს, ბრალი პეინისთვის ნარკოტიკების მიწოდებაში ედებათ ბრალი.
როგორც პროკურორები აცხადებენ, ეჭვმიტანილებს ბრალის დამტკიცების შემთხვევაში 15 წლამდე პატიმრობა ემუქრებათ.
ინციდენტის შემდეგ, პროკურორებმა ჩატარებულ გამოძიებაზე საჯარო განცხადება გააკეთეს. მათი აზრით სიკვდილის მიზეზი თვითმკვლელობა არ ყოფილა.
“მდგომარეობაში, რომელშიც ლიამი იყო, მან არ იცოდა და ვერც ხვდებოდა რას აკეთებდა. გამოძიების დაწყებიდან რამდენიმე დღეში ჩატარდა ამომწურავი და ზედმიწევნითი საგამოძიებო მოქმედებები მომღერლის გარდაცვალების გარემოების დასადგენად. პროკურატურამ სასტუმროს პერსონალი, ლიამის ოჯახი, მეგობრები და საქმეზე მომუშავე სამედიცინო ექსპერტები გამოიკითხა” — ვკითხულობთ განცხადებაში
ლიამ პეინის ტრაგიკული გარდაცვალებაზე გამოძიებამ მნიშვნელოვნად იცვალა მიმართულება, რადგან გაანალიზდა 800 საათზე მეტი ვიდეო კადრები სასტუმროსა და მიმდებარე ქუჩების უსაფრთხოების კამერებიდან.
პროკურორებმა დაადგინეს, რომ ერთ-ერთი ბრალდებული მომღერლის არგენტინაში ყოფნის დროს ყოველდღიურად იმყოფებოდა ლიამთან ერთად. მეორე, სასტუმრო Casa Sur Palermo-ს თანამშრომელია. რაც შეეხება მესამე ბრალდებულს, ის სავარაუდოდ ნარკოტიკების მიმწოდებელია. ბუენოს-აირესში გამოძიება გრძელდება, საქმეში არსებული ნივთმტკიცებების გამოკვლევა ჯერ კიდევ არ დასრულებულა.
ცნობისთვის, მომღერლის ტრაგიკული გარდაცვალების შემდეგ, თაყვანისმცემლებმა წამოიწყეს პეტიცია, რომელიც მოითხოვს კანონმდებლობის ცვლილებას ისე, რომ მომღერლების ფსიქიკური ჯანმრთელობა იყოს დაცული. Change.org-ის პეტიცია, მოუწოდებს კანონმდებლებს ინდუსტრიის მანკიერებებისგან დაიცვან მომღერლები და მსახიობები. ჯერჯერობით ონლაინ პეტიციას 134 000-ზე მეტმა ადამიანმა მოაწერა ხელი. ძირითადი მოთხოვნებია, ფსიქიკური ჯანმრთელობის რეგულარული შემოწმება, სამუშაო საათების შემცირება, ფსიქიკური ჯანმრთელობის სპეციალისტების ჩართულობა და მუდმივ მხარდაჭერა კარიერის განმავლობაში.
ასევე დაგაინტერესებთ:
