კარდაშიან-ჯენერების ოჯახი ერთ-ერთი ყველაზე პოპულარული და სკანდალური ოჯახია, რომელიც გლამურული და მდიდრული იმიჯით ნამდვილად გამოირჩევა. ოჯახის წარმომადგენლები უამრავ სხვადასხვა დიზაინერთან თანამშრომლობენ და ძვირადღირებულ სამოსს ხშირად ირგებენ. ამჯერად კიმ კარდაშიანმა უმცროს დებთან, კენდალ და კაილი ჯერენერბთან ერთად სამოსი Givenchy-ს ახალი კოლექციიდან მოირგო.
ფოტოებში კიმს ბრენდის დავარდნილი, ხაკისფერი კაბა ეცვა, რომელსაც ბრილიანტებით გაფორმებული ამავე ფერის ჩანთა და ძვირფასი ქვებით შემკული ყელსაბამი თეთრ მაღალქუსლიან ფეხსაცმელთან ერთად შეუხამა.
კენდალ ჯენერმა არჩევანი ტყავის სამოსზე შეაჩერა. მას ტყავის, მაღალწელიანი შარვალი და ქურთუკი ეცვა, რომელიც ამავე ფერის ტოპთან და ვერცხლის ყელსაბამთან ერთად მოიხდინა.
კაილიმ ვარდისფერი იმიჯი შეარჩია. მას გამოყვანილი, მოკლე კაბა ეცვა, რომელსაც ამავე ფერის ჩექმა და მინი ჩანთა შეუხამა.
