რეალითი შოუს KUWTK-ის ვარსკვლავების ცხოვრება ყოველთვის იყო ტაბლოიდების განხილვის საგანი, თუმცა, ამჯერად პუბლიკის ყურადღებას არა კარდაშიანი ან ჯენერი, არამედ უესტი იპყრობს. როგორც კიმმა ახალ ინტერვიუში აღნიშნა, მის უფროს ქალიშვილს ნორთს ძალიან მოსწონს ისე ცხოვრება, თითქოს დედ-მამისთვის მხოლოდ ერთი შვილია და სხვა და-ძმებს კონკრეტულ მომენტებში აიგნორებს.
”სეინთს ძალიან უყვარს ბავშვებთან ერთად ყოფნა, თუმცა ნორთზე ამას ვერ ვიტყვი. მინდა, ბავშვებმა დრო ერთად გაატარონ ხოლმე, თუმცა, მას მარტო ყოფნა ურჩევნია. ის ისე ცხოვრობს, თითქოს დედისერთა ბავშვი იყოს” – კიმ კარდაშიანი.
შეგახსენებთ, რომ კიმს და ქანიეს ოთხი საერთო შვილი ჰყავთ. ქანიე უესტმა და კიმ კარდაშიანმა ერთმანეთი პირველად 2003 წელს გაიცნეს, თუმცა ურთიერთობა ოფიციალურად მხოლოდ 2012 წელს გაასაჯაროვეს. 2009 წელს ქანიემ საკუთარ შემოქმედებაში კიმი პირველად ახსენა, რაც მათ შორის არსებულ რომანტიკულ ურთიერთობაზე კიდევ ერთხელ მიუთითებდა, 2010 წელს ამერიკელი რეპერი კარდაშიანების რეალითი შოუს ერთ-ერთ ეპიზოდშიც გამოჩნდა, 2012 წელს კი სიმღერით “Cold”ოფიციალურად განაცხადა, რომ კიმ კარდაშიანი უყვარდა, ვარსკვლავური წყვილის საჯარო დებიუტი 2012 წელს ნიუ-იორკში შედგა, მათ პირველი შვილი ამა წლის დეკემბერში შეეძინათ. ქანიე და კიმი 2013 წელს მეთ გალას წითელ ხალიჩაზე ერთად გამოჩნდა, საბოლოოდ კი მათი ურთიერთობა 2014 წელს იტალიაში ქორწილით დაგვირგვინდა.
