პლუს ზომის სამოსი ხშირად ხდება ქალბატონების პრობლემა, რადგან არც თუ ისე აქტიურად ვხვდებით ჩვენს გარშემო მაღაზიებსა თუ შოურუმებს, სადაც წარმოდგენილი იქნება სტანდარულთან შედარებით უფრო დიდი, თანამედროვე სტილის სამოსი. სწორედ ამიტომ ჟურნალი OK! გიამობთ ქართული ბრენდი „თანათას“ შესახებ, რომელიც სწორედ ამ პრობლემის გადაჭრაში დაგეხმარებათ. გარდა იმისა, რომ აქ თქვენ დაგხვდებათ ზომების მრავალფეროვანი არჩევანი, ასევე შეძლებთ შეარჩიოთ თანამედროვე და ძალიან ლამაზი მოდელები.
„თანათას“ დაფუძნების იდეა იყო თითოეული ქალი, ვისთვისაც წონა დაბრკოლებად იქცა. ბრენდმა კი კიდევ ერთხელ დაგვანახა, რომ ყველა ქალი ლამაზია და „თანათა“ ზუსტად იქაა, სადაც სილამაზე და მოდა ერწყმის ერთმანეთს.
მოკლედ რომ ვთქვათ, „თანათა“ ქართული ბრენდია, რომელიც პლუს-ზომის სამოსს ქმნის ქალბატონებისთვის და კიდევ ერთხელ ამტკიცებს იმას, რომ ნებისმიერ წონაში შესაძლებელია ქალი გამოიყურებოდეს მომხიბვლელად და ელეგანტურად, თუ მას სწორად აქვს შერჩეული სამოსი.
ბრენდის დაარსების ისტორია ოთხი წლის წინ დაიწყო, მიზანი კი ისევ და ისევ პლუს-ზომის ქალბატონებისთვის თანამედროვე, არასდანდარტული, პრაქტიკული სამოსის შექმნა იყო. ბრენდის დამფუძნებელი თამარ ნათაძეა, რომელიც როგორც თავად ამბობს იდეა საკუთარი თავიდან გამომდინარე გაუჩნდა, რადგანაც თავად არის პლუს-ზომა, თუმცა ეს სულაც არ ნიშნავს იმას, რომ ამის გამო მას უარი უნდა ეთქვა გემოვნებიან და თანამედროვე სამოსზე, რის საშუალებაც არც საქართველოშია, არც საზღვარგარეთაა და თუ არის საკმაოდ დიდ თანხებთანაა დაკავშირებული. „თანათა“ კი საკმაოდ მისაღებ ფასად მრავალფეროვან არჩევანს სთავაზობს ქალბატონებს. შესაბამისად მოთხოვნაც დიდია.
„თანათას“ დიზაინზე თავად ბრენდის დამფუძნებელი თამარ ნათაძე მუშაობს. მისი თქმით მუდმივად თვალს ადევნებს მსოფლიო მოდის სიახლეებს და ხშირად საკუთარ სამოსშიც იმეორებს გარკვეულ დეტალებს.
სამოსი იქმნება სამკერვალოში, რომელზეც ჩვენი რესპოდენტი ბავშვობიდან ოცნებობდა და ახლა მიეცა საშუალება მთელი მისი მიზნები და სურვილები სისრულეში მოეყვანა.
„თანათას“ სამოსის შეძენა შესაძლებელია როგორც ონლაინ, ისე ადგილზე, ბარნოვის 73 ნომერში მდებარე ბუტიკში .
