#OK! ვარსკვლავური პოდიუმი, კაილი ჯენერის დებიუტი და მატილდა გვარლიანი – „Victoria’s Secret“-ის 2026 წლის შოუს გამორჩეული მომენტები –

18 ოქტომბერს, ლოს-ანჯელესში, Sony Pictures Studios-ში, „Victoria’s Secret“-ის 2026 წლის მოდის ჩვენება გაიმართა. ლეგენდარულ პოდიუმზე მსოფლიოს ცნობილი მოდელები, გამორჩეული სასცენო კოსტიუმები და მუსიკალური წარმოდგენები გაერთიანდა.

ღონისძიება პირდაპირ ეთერში „Victoria’s Secret“-ის YouTube-არხსა და ბრენდის სოციალურ პლატფორმებზე გადაიცემოდა.

წლევანდელი ჩვენების გახსნა ბელა ჰადიდს ხვდა წილად. მოდელი პოდიუმზე პირველივე გამოსვლით მოექცა ყურადღების ცენტრში, მოგვიანებით კი მას სხვა ცნობილი „ანგელოზები“ შეუერთდნენ. შოუს მონაწილეთა შორის იყო ბელას უფროსი და, ჯიჯი ჰადიდიც.

პოდიუმზე ვიხილეთ ადრიანა ლიმაც – ბრენდის ერთ-ერთი ყველაზე ცნობილი და გამორჩეული მოდელი, რომლის სახელიც „Victoria’s Secret“-ის ისტორიასთან ათწლეულების განმავლობაში ასოცირდება. სწორედ მან დახურა წლევანდელი ჩვენება.

შოუს ერთ-ერთი ყველაზე განხილვადი მომენტი ბარბარა პალვინის დაბრუნება იყო. უნგრელი მოდელი პოდიუმზე პირველი შვილის გაჩენიდან მხოლოდ ექვსი კვირის შემდეგ გამოჩნდა.

მონაწილეთა შორის იყვნენ კენდის სვეინპოლი, ანოკ იაი, ალექს კონსანი, ეშლი გრეჰემი, პალომა ელსესერი, ელზა ჰოსკი, მინგ სი, გრეის ელიზაბეთი, კაროლინ ტრენტინი, ჰე კონგი, მატილდა გვარლიანი და სხვა მოდელები.

 

1 of 21

- +

1.

2.

3.

4.

5.

6.

7.

8.

9.

10.

11.

12.

13.

14.

15.

16.

17.

18.

19.

20.

21.

მთავარი სიურპრიზი კი კაილი ჯენერის გამოჩენა გახდა. რეალითი შოუს ვარსკვლავმა „Victoria’s Secret“-ის ჩვენებაში პირველად მიიღო მონაწილეობა და ბრენდის ლეგენდარული „Fantasy Bra“ წარადგინა.

ბიუსჰალტერი, რომლის ღირებულებაც 50 მილიონ დოლარს შეადგენს, „Victoria’s Secret“-მა საიუველირო სახლ Jacob & Co.-სთან თანამშრომლობით შექმნა. ის 4 410 ბუნებრივი ბრილიანტით არის გაფორმებული, მათ შორის მთავარი დეტალი 75.54-კარატიანი, მკვეთრი ყვითელი ბრილიანტია.

გამორჩეული ყურადღება დაეთმო შოუს მუსიკალურ გაფორმებასაც: პოდიუმზე გამოვიდა გლობალური პოპჯგუფი KATSEYE.  მაყურებლის წინაშე ასევე წარდგნენ რეპერი მეგან ტი სტელიონი, მომღერალი ტეიტ მაკრეი და ქანთრი-მომღერალი მეგან მორონი.

არანაკლებ ყურადღებას იქცევდა შოუს წითელი ხალიჩა და სტუმრების სივრცე. ღონისძიებას ესწრებოდა ჰოლივუდის ვარსკვლავი ნიკოლ კიდმანი. სტუმრებს შორის იყვნენ მსახიობი დილან სპროუსი, ტელეწამყვანი ტან ფრანსი, სტილისტი ლოუ როუჩი, მარია შრაივერი და პატრიკ შვარცენეგერი.

თუმცა, განსაკუთრებული ყურადღება კაილი ჯენერის მხარდასაჭერად მისულმა ტიმოთი შალამემ და კრის ჯენერმა მიიპყრეს. ისინი წინა რიგიდან ადევნებდნენ თვალს კაილის დებიუტს და მის გამოსვლას ემოციურად გულშემატკივრობდნენ.

ასევე დაგაინტერესებთ:

#OK! მატილდა გვარლიანი და Victoria’s Secret – როგორ იქცა ქართველი მოდელის ოცნება რეალობად

#OK! კაილი ჯენერი „Victoria’s Secret“-ის პოდიუმზე 50-მილიონდოლარიანი ბიუსჰალტერით გამოჩნდა