KEDDO ცნობილი ბრიტანული ფეხსაცმლის ბრენდია, რომელიც ქართულ ბაზარზე 2022 წლის მარტიდან არის წარმოდგენილი. თუ გსურთ შეიძინოთ კომფორტული და ხარისხიანი ფეხსაცმელი, რომელიც მოდის ყველა ტენდენციას ითვალისწინებს და ამავდროულად ფასი სრულადაა მორგებული საქართველოს ბაზარს, გირჩევთ KEDDO-ს მაღაზიას ესტუმროთ. KEDDO ორიენტირებულია ახალგაზრდა თაობის მოთხოვნებზე, ცდილობს მუდმივად შესთავაზოს მათ განახლებული და დახვეწილი კოლექციები. სწორედ ამიტომ, ბრენდი არ კარგავს აქტუალურობას ახალგაზრდებში. დეტალური ინფორმაციისთვის OK! გაესაუბრა ბრენდის წარმომადგენელს საქართველოში − სალომე ბოჭორიშვილს.
როგორია KEDDO-ს შექმნის ისტორია?
2000-იანი წლების დასაწყისში ახალგაზრდა თაობა უფრო და უფრო აქტიური ხდებოდა, მათ სურდათ ყოფილიყვნენ განსხვავებულნი, წარმატებულნი და დამოუკიდებლები. ამავდროულად, ეს თაობა არ მიიჩნევდა საჭიროდ დიდი თანხების გადახდას ტანსაცმელსა და ფეხსაცმელში. KEDDO-ს დამფუძნებლებმა, რომლებიც იყვნენ დაახლოებით 30 წლის და უკვე ჰქონდათ დიდი გამოცდილება ფეხსაცმლის ბიზნესში, გადაწყვიტეს საკუთარ თავზე აეღოთ ეს გამოწვევა. გლობალური გამოკითხვის შედეგად, მსოფლიოს სხვადასხვა წამყვან ქვეყანაში მათ შექმნეს ტრენდული და კომფორტული ახალგაზრდული ბრენდი fashion casual-ის სტილში, ხელმისაწვდომ ფასად. წარმატებამაც არ დააყოვნა, რამდენიმე წელიწადში KEDDO მსოფლიო მოდის წამყვანი ბრენდების ოცეულში შევიდა და დღეს მე-11 ადგილს ფლობს.
რას სთავაზობს KEDDO მომხმარებელს?
KEDDO მომხმარებელს სთავაზობს მრავალფეროვან და ტრენდულ კოლექციებს. ფეხსაცმლის მოდელები გამოირჩევა მაღალი სტანდარტის ხარისხით და დამახასიათებელი დიზაინით. კოლექციაში აღმოაჩენთ ყველა სტილს − ქალის, მამაკაცისა და ბავშვის გარდერობისთვის. ასევე, შეგიძლიათ სხვადასხვა მრავალფეროვანი აქსესუარის შეძენა.
გვესაუბრეთ KEDDO-ს უპირატესობაზე…
KEDDO ქმნის ხარისხიან და ტრენდულ პროდუქციას, ხელმისაწვდომ ფასად. ბრენდი მომხმარებლის კომფორტზეა ორიენტირებული. KEDDO-ს ევროპის სხვადასხვა ქვეყანაში აქვს ქარხნები, ჰოლანდიის ლაბორატორიაში ამუშავებენ და ამზადებენ მატერიებს KEDDO-ს პროდუქციისთვის. მართალია ეს დიდ თანხებთან არის დაკავშირებული, თუმცა კომპენსირდება იმ მომხმარებლის შეფასებით, რომელიც KEDDO-ს პროდუქციის ერთგული ხდება.
აღსანიშნავია, რომ KEDDO დაკომპლექტებულია ახალგაზრდა, ენთუზიაზმით აღსავსე გუნდით. ასევე, ბრენდს ჰყავს 18 ახალგაზრდა დიზაინერი ამერიკის შეერთებულ შტატებში და 30 დიზაინერი იტალიაში, დიდი ბრიტანეთსა და ესპანეთში, რომლებიც მუდმივად მუშაობენ იმისათვის, რომ KEDDO ახალგაზრდების ფავორიტ ბრენდად შენარჩუნდეს მთელ მსოფლიოში.
სად არის შესაძლებელი KEDDO-ს პროდუქციის შეძენა საქართველოში?
KEDDO-ს ოფიციალური მაღაზია მდებარეობს საბურთალოს „სითი მოლში“, მთავარ სართულზე, ფეხსაცმლის სივრცეში. ახლო მომავალში ვგეგმავთ ახალი ფილიალების გახსნას თბილისსა და ბათუმში.
ტექსტი: სოფიო მალანია
ფოტო: ალექსეი სეროვი
