საქართველოს ეროვნულმა უნივერსიტეტმა SEU-მ შეიმუშავა უნიკალური, მასაჩუსეტსის ტექნოლოგიური ინსტიტუტის MIT მეთოდოლოგიაზე დაფუძნებული სამდონიანი სწავლების პროგრამა, რომლის პირველ მოდულზეც რეგისტრაცია 10 აპრილიდან დაიწყო. აღნიშნული მოდული გათვლილია დამწყები და მომავალი ანტრეპრენერებისთვის — მათთვის, ვისაც უკვე აქვს ზოგადი ან საერთოდ არ გააჩნია წარმოდგენა მეწარმეობაზე და სურს ცოდნის გაღრმავება/მიღება პრაქტიკულ გამოცდილებაზე დაფუძნებული მოდელით. პირველი 6 კვირიანი მოდული 15 მაისიდან იწყება.
აღნიშნული პროგრამა წარმოადგენს ამერიკის შეერთებულ შტატებში, მასაჩუსეტსის ტექნოლოგიურ ინსტიტუტში (MIT) განხორციელებული აკადემიური ვიზიტის პრაქტიკულ შედეგს, რომლის ფარგლებშიც SEU-ს აკადემიურმა პერსონალმა გაიარა ინტენსიური ტრენინგები და პრაქტიკული მოდულები ანტრეპრენერული განათლების გამავრცელებელთა ქსელის სხვა დამფუძნებლებთან ერთად.
MIT მეთოდოლოგიაზე დაფუძნებული სამდონიანი სასწავლო პროგრამის ბენეფიტები:
- ექსკლუზიური წვდომა MIT-ის Orbit პლატფორმაზე და მუშაობის შესაძლებლობა
Orbit არის MIT-ის ინოვაციური პროდუქტი, რომელიც შეიცავს მძლავრ GenAI (ხელოვნური ინტელექტი) ასისტენტს, რომელიც მკვეთრად ზრდის სამეწარმეო საგანმანათლებლო გამოცდილებას სტუდენტებისა და ინსტრუქტორებისთვის. Orbit პლატფორმა სტუდენტებს უზრუნველყოფს უახლესი GenAI განათლების ინსტრუმენტებით.
- რეალური ქეისების დამუშავება ორბიტის მეშვეობით
- პრაქტიკოსი ქართველი და ამერიკელი ტრენერები
- წვდომა Mit-ის სასწავლო მასალებზე
- SEU-სა და MTC-ის ერთობლივ ჰაკათონებზე და აქსელერაციის პროგრამებზე დასწრების უფასო ვაუჩერები
- SEU-სა და MTC-ის ორმაგი სერტიფიკატი
MTC – Martin Trust Center for MIT Entrepreneurship ეს არის MIT-ის უმსხვილესი ინოვაციური ცენტრი.
- წარმატებული კურსდამთავრებული SEU-ს ტექ და სამეწარმეო ცენტრში გაივლის სტაჟირებას.
რას ისწავლით პირველ მოდულზე?
- მეწარმეობის ძირითადი პრინციპები და პროცესები;
- ინოვაციები და მეწარმეობა: ახალი იდეების კომერციალიზაცია;
- ბიზნესის კონცეფციის შექმნა და განვითარების ეტაპები;
- ფინანსური წიგნიერება მეწარმეებისთვის;
- მარკეტინგის საფუძვლების მოდული Entry-Level სტარტაპერებისთვის;
- მართვის მოქნილი მექანიზმები, ლიდერობა და სამეწარმეო კულტურა.
ტრენინგებს გაუძღვებიან როგორც SEU-ს სპეციალურად მომზადებული პროფესორ-ლექტორები, ისე Martin Trust Center for MIT Entrepreneurship-ის მოწვეული ექსპერტები. პროგრამის დასრულების შემდეგ გაიცემა SEU-სა და Martin Trust Center for MIT Entrepreneurship-ის ორმაგი სერტიფიკატი.
მონაწილეთა შერჩევის პირობები:
გაიარეთ რეგისტრაცია და დაწერეთ სამოტივაციო წერილი აღნიშნულ ბმულზე:
რეგისტრაცია შესაძლებელია 10 აპრილიდან-1 მაისის ჩათვლით;
სპეციალური შეთავაზება
დარეგისტრირდი პროგრამაზე 23 აპრილამდე და მიიღე 50%-იანი ფასდაკლების ვაუჩერი SEU-ს საგანმანათლებლო ფონდისგან.
გადახდა შესაძლებელია 2 ნაწილად: პროგრამის დაწყებამდე არაუგვიანეს 5 მაისისა და კურსის დასრულებამდე 10 ივნისის ჩათვლით.
აღსანიშნავია, რომ MIT წარმოადგენს მსოფლიოში წამყვან ტექნოლოგიურ უნივერსიტეტს, რომელიც 1861 წელს დაარსდა. QS World University Ranking-ის 2024 წლის მონაცემებით, MIT პირველ ადგილს იკავებს როგორც უნივერსიტეტების ზოგად რეიტინგში, ისე ტექნოლოგიური მიმართულებით და გამოირჩევა წარმატებული, ინოვაციური სტარტაპების მაღალი მაჩვენებლით.
შეგახსენებთ, რომ SEU MIT-ის სამეწარმეო ცენტრის-Martin Trust Center for MIT Entrepreneurship-ის ინიციატივით შექმნილი Global Leaders of the Entrepreneurship Educators Network (GLEEN) თანადამფუძნებელია მსოფლიოს 4 უნივერსიტეტთან ერთად.
აღნიშნული პარტნიორობა, ძალიან მნიშვნელოვანია ქვეყნის, ისევე როგორც, რეგიონის განათლების სისტემისა და Start-up ეკოსისტემის განვითარებისთვის.
კითხვების შემთხვევაში მოგვწერეთ: MITGleen@seu.edu.ge
დეტალური ინფორმაცია იხილეთ ბმულზე აქ
