ეს „OK! საქართველოს“ მეასე ნომერია.
ზუსტად ასი თვეა, რაც თქვენთვის, ძვირფასო მკითხველებო, ვქმნით საინტერესო ჟურნალს, რომელიც მხოლოდ თქვენმა სიყვარულმა და დაფასებამ მოიყვანა აქამდე.
მეასე თვეა, ვნერვიულობთ, როდესაც სტამბიდან გვირეკავენ, ჟურნალი გამოვიდაო.
მეასე ნომერია, ვგეგმავთ, ვიღებთ, ვწერთ…
მეასე ნომერია, ჩვენი პარტნიორებისა და რაც მთავარია, მკითხველების წინაშე უზარმაზარ პასუხისმგებლობას ვგრძნობთ.
მეასე ნომერია, გვწამს, რომ განვითარებული ქვეყანა განვითარებული მედიის გარეშე არ არსებობს.
21 ნოემბერს მსოფლიო ტელევიზიის საერთაშორისო დღე აღინიშნება. ეს გადაწყვეტილება გაერთიანებული ერების ორგანიზაციამ 1996 წელს, მსოფლიო სატელევიზიო ფორუმზე მიიღო.
სწორედ ამიტომ, გასაკვირიც არ არის, ჩვენი ჟურნალი თუ მთლიანად ტელესახეების გარშემო იტრიალებს ნოემბერში.
ტელესახეები, რომლებიც თანამედროვე ქართულ ტელევიზიას ქმნიან, OK!-ის ფურცლებიდან გიამბობენ… რას ნიშნავს ეს პროფესია მათთვის, როგორ შრომობენ და რა გზას გადიან ყოველდღიურად.
მე კი, ჩემი პირველი საკითხავი სათვალე მოვირგე ამ ნოემბრის თვეში და სწორედ ამ სათვალიანი ფოტოთი მოგესალმებით.
მადლობა მინდა გადავუხადო მაღაზიათა ქსელ „რონიკოს“ იმისათვის, რომ ჩემი სათვალით ბევრ საინტერესო წიგნსა და ჟურნალს წავიკითხავ.
სიყვარულით,
მაიკო წერეთელი
ჟურნალ OK!-ის მთავარი რედაქტორი
