35 წლის სუპერმოდელი, ირინა შეიკი პაპრაცების ობიექტივში საკმაოდ ხშირად ხვდება, მისი გემოვნებიანი იმიჯის გამო კი ფანებს იმედებს არასოდეს უცრუებს. მოდელს ხშირად ქალიშვილთან, პატარა ლეასთან ერთად აფიქსირებენ და გამონაკლისი არც უკანასკნელი შემთხვევა გამხდარა. დედა–შვილი ნიუ–იორკის ქუჩებში გამოჩნდნენ.
ფანების ყურადღება ირინას განსხვავებულმა და ამავდროულად მოდურმა იმიჯმა მიიქცია. მოდელს დიზაინერ Vivienne Westwood–ის ჯინსის ორეული ეცვა, რომელზეც ფრანგი მხატვრის François Boucher–ის ცნობილი ნამუშევარი Daphnis et Chloe იყო გამოსახული. სამოსს მან შავი ზურგჩანთა და ამავე ფერის ფეხსაცმელი შეუხამა.
