1 დეკემბერს, ბრიტანული მოდის საბჭომ ლონდონში, Royal Albert Hall – ში, ყოველწლიური Fashion Awards ჩააატარა და მოდის ინდუსტრიასთან დაკავშირებულ სხვადასხვა კატეგორიაში გამარჯვებულები გამოავლინა. ჩვენ მოგიყვებით, თუ როგორ განაწილდა ჯილდოები და გაჩვენებთ წითელი ხალიჩიდან ყველაზე შთამბეჭდავ ლუქებს.
უკვე მესამედ, „წლის დიზაინერის“ სტატუსი ჯონათან ანდერსონმა მოიპოვა, რაც გასაკვირი არ არის. მისი, როგორც Dior-ის კრეატიული დირექტორის დებიუტი, გასული მოდის სეზონის ერთ-ერთი ყველაზე საინტერესო მოვლენა იყო და მან ყველა მოლოდინი გაამართლა. წელს ანდერსონმა კიდევ ერთხელ მოახერხა ძლიერი კონკურენტების დამარცხება: მიუჩა პრადა, რიკ ოუენსი, გლენ მარტენსი, მარტინ როუზი და ვილი ჩავარია – ყველა მათგანი მთავარი ჯილდოსთვის იბრძოდა.
სარა ბარტონი „წლის ბრიტანელი ქალის ტანსაცმლის დიზაინერად“ დასახელდა, გრეის უელს ბონერი „წლის ბრიტანელი მამაკაცის ტანსაცმლის დიზაინერად“, ხოლო ბრუნელო კუჩინელიმ ინდუსტრიაში შეტანილი წვლილისთვის საპატიო ჯილდო მიიღო. ანოკ იაი „წლის მოდელად“ დასახელდა. მოდის სფეროში მიღწეული წვლილისთვის იზაბელა ბლოუს ჯილდო Dover Street Market-ის დამფუძნებლებს გადაეცათ, ხოლო ბრიტანეთის მოდის საბჭომ მომღერალი ლითლ სიმზი ტიტულით„წლის ინოვატორი კულტურის სფეროში“ დააჯილდოვა.
შედეგებზე არანაკლებ საინტერესო იყო საღამოს წითელი ხალიჩა. წელს ქეით ბლანშეტმა და სიენა მილერმა Givenchy-ს კაბები მოირგო. ალექსა ჩუნგმა Chloé-ს ლუქი აირჩია, წლის მოდელმა, ანოკ იაიმ, კვლავ Dilara Fındıkoğlu-ის კაბა აირჩია, ხოლო გასული წლის გამარჯვებული, ალექს კონსანი ღონისძიებას McQueen-ის ლუქით დაესწრო. რიტა ორამ Tom Ford-ის კაბა მოირგო. ემილი რატაიკოვსკიმ კაბა H&M x Stella McCartney-ის კოლაბორაციიდან აირჩია.
გთავაზობთ ფოტოებს 2025 წლის მოდის დაჯილდოების წითელი ხალიჩიდან.
ასევე დაგაინტერესებთ
