#OK! CHRONOS მრავალსაუკუნოვანი ქართული საგანძურით შთაგონებული სამკაული

CHRONOS სამკაულის ქართული ბრენდია, რომელიც ქართული კულტურული მემკვიდრეობის შთაგონებითაა შექმნილი და წარმოადგენს სხვადასხვა სტილისა და ხასიათის, კლასიკურისა და თანამედროვეობის ჰარმონიულ სინთეზს. კოლექცია, რომელიც მრავალსაუკუნოვან კულტურის ისტორიაში გამოგზაურებთ, ძალზედ შთამბეჭდავი და მრავალფეროვანია. თითოეული ნივთი სხვადასხვა ეპოქის კულტურის სახეს გამოხატავს და დიზაინთან ერთად, უნიკალურია თავისი ისტორიით. ბრენდის უფრო ახლოს გასაცნობად, OK! გაესაუბრა CHRONOS-ის დამფუძნებელ მაკა შავგულიძეს, რომელიც ახალი კოლექციის საზოგადოებისთვის წარდგენას აანონსებს.

გვიამბეთ CHRONOS-ის შექმნის ისტორია.

პირველი პროფესიით ხელოვნებათმცოდნე ვარ, რამაც ხელოვნებისა და კულტურის მიმართ გამორჩეული დამოკიდებულება და ხედვა ჩამომიყალიბა. ამასთან, როგორც ქალთა უმეტესობას, მეც განსაკუთრებული ემოციური კავშირი მაქვს დახვეწილ სამკაულთან. ჩემთვის, კონკრეტული სამკაული გარკვეული ამბის, მხატვრული ღირებულებისა და ემოციის მატარებელია, და სწორედ ეს კავშირი მიქმნის მათი ტარების სურვილსა და განსაკუთრებულ ამაღლებულ განწყობას.

ვფიქრობ, ქართულ სამკაულს ახასიათებს მშვენიერების თანდაყოლილი შეგრძნება. მათში თავმოყრილი მრავალგვარი გრძნობა სამკაულის დამუშავების ოსტატობის ტრადიციის სიღრმეშია გამოხატული. ვფიქრობ, CHRONOS-ის კოლექციის შექმნის შთაგონება სწორედ ჩემთვის განცდილი ამ ემოციებისა და შეგრძნებების გაზიარების სურვილია. მხატვრული გადაწყვეტისა და ჩანაფიქრის ინსპირაცია სხვადასხვა ეპოქის სამკაულიდან მოდის, მაგრამ სრულიად ახლებურადაა ინტერპრეტირებული და შთაგონებული. CHRONOS-ის კოლექცია წარმოადგენს სხვადასხვა სტილისა და ხასიათის, კლასიკურისა და თანამედროვეობის მოხდენილ და ჰარმონიულ სინთეზს, რომელშიც შერწყმულია ტრადიცია და სიახლე. ელეგანტურობის, ნატიფი სტილისა და ოსტატობის, ექსკლუზიური და დახვეწილი დიზაინის ახლებური ტენდენციები და ხედვა მათ განსაკუთრებულობას ანიჭებს.

CHRONOS-ის კონცეფცია საქართველოს კულტურული მემკვიდრეობის შთაგონებით ქართული სილამაზის წარმოჩენაა. ეს არის სამკაულით მოთხრობილი საქართველოს მრავალსაუკუნოვანი კულტურის ისტორია, რომელიც გადმოსცემს ქართველი ხალხის მიერ სილამაზის ხაზგასმის ამბავს და ქართველი ქალის გემოვნების განვითარების ეტაპებს ასახავს. თითოეულ სამკაულში ელეგანტურობა, სინატიფე, ტრადიცია, კომფორტი და ექსკლუზიური დიზაინი ქართულ ელემენტებშია გამოხატული.

რა სახის პროდუქციაა წარმოდგენილი CHRONOS-ში?

CHRONOS-ის მრავალფეროვანი კოლექცია წარმოდგენილია ბეჭდებით, სამაჯურებით, საყურეებით, გულსაკიდებითა და ბროშებით. სამკაული მზადდება 925 სინჯ ვერცხლში, 24-კარატიანი მოოქროვებით ან ვერცხლის როდირებით, რაც ვერცხლს პირვანდელ სახესა და ბრწყინვალებას უნარჩუნებს. ამასთან, არის ანტიალერგიული. სამკაულში გამოყენებულია ბუნებრივი ქვები და მინანქრის დეტალები.

მთავარი ნიშა, რომელიც CHRONOS-ს გამოარჩევს…

CHRONOS-ი აერთიანებს მდიდარ ხასიათს, ხარისხსა და ემოციას. ეს სამი კომპონენტი ჩვენი ნიშანია. CHRONOS სამკაულის ხასიათის წყარო მდიდარი ქართული ოქროს საგანძურია, რომელიც სამი ათასწლეულის ისტორიას მოიცავს და დღეს საქართველოს მუზეუმებშია დაცული. ყოველი ნივთი ამ ისტორიის მნიშვნელოვან დეტალს ჰყვება და ღირებულია თავისი ამბით. ისტორია ნივთის სილამაზეს სიღრმეს, მნიშვნელობასა და დაუვიწყარ ემოციას სძენს. ყოველ სამკაულს მოჰყვება ორენოვანი ანოტაცია − ქართულად და ინგლისურად, სადაც სამკაულის ამბავია გადმოცემული.

CHRONOS სამკაულის ხარისხის წყარო მის ყველა დეტალშია − დიზაინში, განხორციელებაში, შეფუთვასა და რა თქმა უნდა, მომსახურებაში. ჩვენი მომხმარებლები იღებენ პრემიუმ ქართულ პროდუქტს ხარისხის საერთაშორისოდ აღიარებული მაღალი სტანდარტით ყველა კომპონენტში.

CHRONOS სამკაულის ემოციის წყარო ძველისა და ისტორიულის თამამი, ახლებური ადაპტაცია და მისი უკომპრომისო ხარისხით განხორციელებაა − ეს არის ჩვენი კრეატიული, დიზაინერებისა და იუველირების გუნდის მთავარი ამოცანა. ამით ვიღებთ ისეთ სამკაულს, რომელიც არის აღფრთოვანების, სურვილის, ძლიერი ემოციის წყარო. ჩვენი მიზანი არ გახლავთ მომხმარებლის კმაყოფილება. ჩვენი მიზანი მისი აღფრთოვანებაა.

მომხმარებელი მას ენდობა და ჩვენ ყოველთვის ვახერხებთ მათ მოლოდინს გადავაჭარბოთ, აღვაფრთოვანოთ ისინი და სიამოვნებით, ამაყად ატარონ ან აჩუქონ CHRONOS-ის სამკაული.

მომხმარებელს, რომელიც CHRONOS-ის სამკაულს ატარებს, უყვარს დროში გამოცდილი სილამაზე, ნივთი, რომელსაც ისტორია აქვს, მით უმეტეს − ქართული ისტორია. მისთვის მნიშვნელოვანია დახვეწილობა, ელეგანტურობა და ხარისხი. მას ირჩევენ, როდესაც სურთ შეიძინონ განსაკუთრებული ნივთი, უნიკალური საჩუქარი, და ისარგებლონ საქართველოს კულტურის ისტორიასთან შეხების გამორჩეული შესაძლებლობით.

სად შეუძლიათ მომხმარებლებს შეიძინონ თქვენი პროდუქცია?

CHRONOS-ის შეძენა ქართველი მომხმარებლისთვის შესაძლებელია ფეისბუქ და ინსტაგრამ გვერდებზე (CHRONOS – Georgia Beauty Story). მომხმარებელს ასევე ვურჩევ ჩაინიშნოს ჩვენი ვებგვერდი − chronos.ge რომელიც უახლოეს პერიოდში დაიწყებს ფუნქციონირებას. მიწოდებას ვახორციელებთ საქართველოს მასშტაბით, ისევე, როგორც მსოფლიოს ნებისმიერ წერტილში.

გაგვაცანით CHRONOS-ის სამომავლო გეგმები.

განვითარებაზე მუდმივად ვმუშაობთ. ამ ეტაპზე მხოლოდ იმის თქმა შემიძლია, რომ ძალიან მალე ჩვენს მომხმარებელს შესაძლებლობა ექნება ჩვენი ახალი, ძალიან საინტერესო და შთამბეჭდავი სამკაულის კოლექცია იხილოს.