ჩვენი ვიდეორუბრიკის – OK! ჭიქა ღვინოსთან სტუმარია სტრატეგიული კომუნიკაციების სპეციალისტი ნინა პერტენავა, რომელიც OK!-თან ინტერვიუში ისაუბრებს პიარზე, პიარის გავლენაზე, ხელოვნებაზე, კულტურაზე და ყველა იმ საინტერესო თემაზე,რაც მას ასე ძალიან უყვარს…
ვიდეორუბრიკის პარტნიორია სასტუმრო ჯინჯერ • Ginger
ნინა, მოგვიყევი როგორ მოხვდი სტრატეგიული კომუნიკაციების სფეროში?
იქიდან გამომდინარე, რომ არ მიყვარს ბრმად მინდობა რაღაცებზე, გავარკვიე, სიღრმისეულად შევისწავლე, თუ საიდან წამოვიდა პიარი. მარტივად რომ ვთქვათ, საზოგადოებასთან ურთიერთობა. გავარკვიე, რომ ამ მიმართულების ფუძემდებელი იყო ედვარდ ბერნეისი, რომელიც გახლდათ ჩვენთვის, ყველასთვის ნაცნობი ფსიქოანალიზის ფუძემდებლის ფროიდის დის შვილი. მან აღმოაჩინა, რომ ადამიანს აქვს ქვეცნობიერი, რომელზეც ზემოქმედება შეიძლება და აი აქ დაიწყო ზუსტად პირველი ნაბიჯები იმ ზემოქმედებისა, რასაც მანიპულირება ჰქვია.
მკითხველს მარტივად რომ ვუთხრათ, რა არის პიარი და თუ მათ ამ სფეროში ყოფნა უნდათ, რა უნდა გაითვალისწინონ?
თქმულებასავით არის თუ რა არის პიერი. ადამიანი, რომელიც თავის თავზე ამბობს, რომ მე ვარ ძალიან კარგიო ეს არის რეკლამა და ადამიანი, რომელზეც სხვები იტყვიან ის ძალიან კარგი არისო, ეს არის პიარი. სფერო არის უკიდეგანო. იმისთვის, რომ მე გადამემოწმებინა რამდენად კომპეტენტური ვიყავი ამ სფეროში, მაგისთვის გავემგზავრე ამერიკის შეერთებულ შტატებში. იქ შევხვდი პროფესორებს, მათ ჩამიტარეს ატესტაცია. 4 პროფესორი, როგორც გამომძიებელი, მეკითხებოდა ხან რას ხან- რას და ყველა მათგანს სწორად გავეცი პასუხი. მათ მითხრეს, რომ თეორიული ცოდნა მქონდა აბსოლუტურად იდეალური და გამომცადეს პრაქტიკაშიც, დავიწყე ერთ-ერთ პიარ სააგენტოში მუშაობა.
ნინა, რა სურთ ჰორეკას ტიპის ბიზნესის გამომწერებს?
გამოკითხვებისა და სტატისტიკის მიხედვით, პირველ ადგილზე დგას beauty სფერო, მეორეზე lifestyle, მესამეზე – food.
რას აკეთებს ნინა პერტენავა შეხვედრების წინ, როგორია მომზადების პროცესი?
ზოგადად შეხვედრამდე მომზადება არის ადამიანის პატივისცემა. ძალიან ვემზადები მნიშვნელოვანი შეხვედრების წინ, რადგან მიმაჩნია, რომ არა მარტო პიარში, არამედ ნებისმიერ სფეროში ყველა ადამიანს თავდაჯერებულობა სჭირდება.
სოციალური მედიის ქარიშხალში, როგორ ახერხებ ბალანსის შენარჩუნებას?
სოც მედიის გადახდის კუპიურები არის ჩვენი ყურადღება. ისინი ნადირობენ ჩვენს ყურადღებაზე. ყველა ადამიანი მათთვის მნიშვნელოვანია, მაგრამ ჩვენი თავისთვის ჩვენც უნდა ვიყოთ მნიშვნელოვანი. უნდა ვიცოდეთ, რომ ეს არის იაფი დოფამინის წყარო, რაც ზოგადად ჩვენს ტვინს ასუსტებს, ამიტომ საჭიროა გარკვეული დრო სოციალური ქსელებისგან ვიყოთ შორს.
ვის აქვს გავლენა დღეს საზოგადოებაზე და რა კრიტერიუმებით გამოარჩევ მათ?
შეგვიძლია დავყოთ ორ ნაწილად. არიან ინფლუენსერები, რომლებიც ცნობილი სახეები არიან და არიან ინფლუენსერები, რომლებიც სოციალური ქსელიდან გახდნენ ცნობილები. ასევე ინფლუენსერები ხშირად არიან ტრენდსეტერები, რაც ნიშნავს იმას, რომ ისინი კონკრეტული ქცევის მოდელს აყალიბებენ, ეს კი იწვევს მიმბაძველობას.
ნინა რას ურჩევ დამწყებ ინფლუენსერებს?
პირველ რიგში, შრომისმოყვარეები უნდა იყვნენ, უნდა იცოდნენ რის გაკეთებას აპირებენ და იპოვონ საკუთარი ნიშა.
