ყველა კარგად იცნობს ჟირაფ ჟოზეს, თუმცა ვინ იმალება ანიმაციის მიღმა შესაძლოა, ბევრმა არ იცოდეს. ყველასთვის საყვარელი ანიმაციური გმირის, ჟირაფი ჟოზეს შემქმნელი გიორგი მარშანიაა, რომელიც ამჯერად #OK ჭიქა ყავასთან მოგვიყვება არა მარტო ანიმაციის შექმნის პროცესსზე, არამედ სამსახიობო კარიერეაზეც.
რუბრიკის პარტნიორია მალონგო 
როგორ გაჩნდა ანიმაციის შექმნის იდეა?
ანიმაციის რეჟისორმა მირჩია, თუ გინდა მურტფილმების გაკეთება, ნუ დაიწყებ 70 წუთიდან და დაიწყე ერთი წუთიდან. ვიფიქრე, რა შეიძლება ყოფილიყო ერთ წუთიანი ანიმაცია, რომელიც ბავშვებისთვის იქნებოდა საინტერესო. გადავწყვიტე, რომ ეს იქნებოდა საგანმანათლებლო ანიმაცია, რომლის გმირიც არის ყველაზე მხიარული, ყველაზე ყვითელი, ყველაზე მაღალი ჟირაფი ჟოზე.
რატომ ჟირაფი?
როდესაც პერსონაჟზე ვფიქრობდი, მინდოდა უბრალოდ განსხვავებული და დასამახსოვრებელი ყოფილიყო. ვეცადე, ამეღო ისეთი პერსონაჟი, რომელიც ხშირად არ გვხვდება მულტფილმში. ჟირაფი სწორედ ასეთი იყო, ამიტომაც პირველ ეტაპზე ავირჩიე ის.
როგორია ანიმაციაზე მუშაობის პროცესი?
ანიმაციის შექმნა რთულია. პირველ ეტაპზე სირთულეს წარმოადგენდა ყველაფერი, რადგან არც ცოდნა, არც კომპიუტერი, არც ოფისი არ მქონია. მხოლოდ ორი ადამიანი ვიყავით და შემდეგ დაგვემატა მესამე-კომპოზიტორი.
რა გრძნობაა, როდესაც ბავშვებისთვის მუშაობ?
როდესაც გხვდებიან ადამიანები და გეუბნებიან, რომ ჩემი შვილის აღზრდა შენ მოგანდე, პირველ რიგში, სიამაყეს და ბედნიერებას ვგრძნობ, თუმცა ამავე დროს, პასუხისმგებლობასაც.
გიორგი მარშანია, როგორც მსახიობი…
მსახიობობა არის ჩემი პირადი სევდა. ძალიან მიყვარს ეს პროფესია, ძალიან მინდა ამ პროფესიაში ვიყო, მაგრამ მთლიანად სხვაზე ხარ დამოკიდებული. შეიძლება იყო ძალიან ნიჭიერი ადამიანი, მაგრამ თუ არ დაგიძახა რეჟისორმა, თუ არ შეგამჩნია პროდიუსერმა, არ გამოდის…
რამდენად რთული იყო ტრანსგენდერი ქალის როლის მორგება?
ის დრო და ეპოქა, როდესაც ეს სცენა გადავიღეთ და პრობლემა, რომელიც მხოლოდ სერიალის მთავარ გმირს არ ეხებოდა, ამ ყველაფრის კომბინაცია იყო რთული, თვითონ როლის მორგება- ნაკლებად.
