ჩვენი ვიდეორუბრიკის – OK! ჭიქა ღვინოსთან სტუმარია ქვეყნის ყველაზე კომპეტენტური ასტროლოგი მიხეილ ცაგარელი, რომელიც OK!-თან ინტერვიუში ისაუბრებს არა მხოლოდ ასტროლოგიაზე, არამედ თავის ყოველდღიურ რუტინაზე, ბავშვობის მოგონებებზე, ცხოვრებისეულ მნიშვნელოვან მოვლენებსა და სხვა მრავალ საინტერესო თემაზე.
ვიდეორუბრიკის პარტნიორია სასტუმრო ჯინჯერ • Ginger
მიხეილ, მოგვიყევი როგორია შენი ერთი ჩვეულებრივი დღე?
მეცინება ხოლმე კრემები, ათასნაირი ოპერაციები, რას არ იკეთებენ ხოლმე ადამიანები, თუმცა მთავარი არ იციან, ყველაზე მნიშვნელოვანი არის სწორი სუნთქვა.
რამ გადაგაწყვეტინათ, რომ ასტროლოგია გექციათ მთავარ პროფესიად?
ადამიანი ხშირად ჰგავს პიროვნებას, რომელიც ბნელ ოთახშია, ეძებს ჩამრთველს, რომ სინათლე აანთოს და დაინახოს საით წავიდეს. გზაზე სანამ ამ ჩამრთველს იპოვის, ეჯახება ხან რას ხან რას. ასეთია ადამიანის ცხოვრებაც. ასტროლოგიამ უცბად სინათლე ამინთო, ეს ჩამრთველი მაპოვნინა და დავინახე სად ვარ, სად უნდა წავიდე და რას არ ვაკეთებ სწორად.
დაგვისახელე TOP ექვსი ჯიუტი ნიშანი…
ჯიუტ ნიშნებს შორის პირველი არის კურო, მეორე მერწყული და მესამე არის ლომი. ეს სამი არის პირველი სამეული, ამათ მოჰყვება ვერძი, მორიელი და შემდეგ თხის რქა.
რომელია ყველაზე მოსიყვარულე ნიშნები…
სიყვარულით შეიძლება ყველას უყვარდეს, მაგრამ გამოხატვის ფორმები არის განსხვავებული. მაგალითად, თხის რქა ვერ გამოხატავს, მუხლებზე ვერ დაგიდგება, მაგრამ დღე და ღამე იმუშავეს იმისთვის, რომ სიყვარული დაგიმტკიცოს. მეორე არის ქალწული, შემდეგ მოდის კურო. კუროს უჭირს გამოთქმა, თუმცა შეუძლია. მეოთხე ნიშანი რომელსაც უჭირს სიყვარულის გაცემა არის სასწორი, შემდეგ კი დგას მორიელი.
ექვსი ყველაზე სანდო ნიშანი…
გააჩნია რა მიმართულებით არის საჭირო სანდოობა. მე მაგალითად, ვერ ვენდობოდი ბიზნეს პარტნიორობაში ტყუპებს. იგი არის ნიშანი, რომელშიც ცხოვრობს ორი ადამიანი, იგივე სჭირს სასწორს, ოღონდ ტიპურ ნიშნებზე მაქვს საუბარი, რა თქმა უნდა.
ექვსი გამორჩეული ნიშანი ხელოვნების სფეროში…
პირველი არის თევზების ზოდიაქო, დაწყებული მიქელანჯელოთი და დამთავრებული ვივალდით. მეორე არის სასწორი, რომლის ნიშნის მატარებლები იყვნენ ტინტორენტო, კარავაჯო, ჯუზეპე ვერდი და უამრავი სხვა გენიოსი. ისინი ხელოვნებაში უბადლო ოსტატები არიან. შემდეგ მოდის კირჩხიბი, რემბრანტი, რუბენსი, ლუი ამსტრონგი, რომელი ერთი ჩამოგითვალოთ, უდიდესი ხელოვანები არიან. მეოთხე არის კურო, სალვადორ დალი, სტივი უანდერი, ჯო კოკერი და სხვა. რა თქმა უნდა, ლეონარდოს ვერ გამოვტოვებთ, ვერც სელენ დიონს, ისინი ვერძის ნიშნის ქვეშ დაბადებული ადამიანები არიან.
