საუზმეზე ახალგამომცხვარი, სურნელოვანი ფუნთუშეული და იტალიური ყავა − სწორედ ასეთი იდეალური დღის დასაწყისს გთავაზობთ არტიზანული საცხობი „ბატონები“, სადაც შეძლებთ არტიზანული პროდუქციის მირთმევას. ორგანული ინგრედიენტებით დამზადებულ კერძებთან ერთად თქვენ დაგხვდებათ მყუდრო ატმოსფერო, სადაც შეგიძლიათ წაიხემსოთ, გაატაროთ სასიამოვნო საღამო მეგობართან ერთად ჭიქა ყავის თანხლებით, ან სულაც სახლისკენ მიმავალმა, საყვარელი ტკბილეული ხელს გააყოლოთ. „ბატონების“ პროდუქციაზე უფრო დეტალურად #OK!-ის ესაუბრა მარკეტინგის მენეჯერი ნუცა ადამია და მთავარი შეფი − ავთანდილ ცეცხლაძე.
„ბატონების“ კონცეფცია…
(ნუცა): „ბატონები“ არტიზანული საცხობის ქსელია, სადაც მომხმარებელს შეუძლია დააგემოვნოს ხელნაკეთი, ორგანული ინგრედიენტებით მომზადებული პურ-ფუნთუშეული, არომატული ტკბილეულის განსხვავებულ ვარიაციები და ჯანსაღი სენდვიჩები თუ სალათები.
არტიზანულ პროდუქციას ინდივიდუალიზმი გამოარჩევს. მისი მომზადებისას გათვალისწინებულია არა მხოლოდ გემოვნური თვისებები, არამედ ესთეტიკური, კულტურული და ტრადიციული ასპექტებიც. „ბატონებში“ თითოეული პროდუქტი ხელით, დიდი ენთუზიაზმითა და სიფაქიზით იქმნება იმისათვის, რომ დახლებზე მუდმივად ახალი, გემრიელი ნაწარმი დაგახვედროთ.
რის დაგემოვნებაა შესაძლებელი „ბატონებში“?
(ავთანდილი): განსხვავებული გემოს მოყვარულებს სხვადასხვა სახეობის პურს ვთავაზობთ, მათ შორის წიპწის, ნიგვზისა და მარცვლეულის შემადგენლობით. პური ტრადიციული არტიზანული მეთოდით ცხვება, მხოლოდ ნატურალური, უმაღლესი ხარისხის ინგრედიენტებისა და ბუნებრივი საფუარის გამოყენებით. პურის ცხობისთვის მეტი დათმობილი დრო უკეთეს გემოსა და ხარისხს ნიშნავს. ამიტომ ჩვენი მცხობელები გულდასმით მიჰყვებიან ცხობის თითოეულ ეტაპს.
ფუნთუშეულის ნებისმიერი სახეობა ჰაეროვანი და ნაზი სტრუქტურით გამოირჩევა, რაც მისი მომზადების სწორი მეთოდითაა განპირობებული. კრუასანები, ბრიოში და ფუნთუშა, ციტრუსის, კენკრის, ვანილისა თუ შოკოლადის შიგთავსით, აუცილებლად დაიკავებს განსაკუთრებულ ადგილს თქვენს ყოველდღიურობაში.
ნამცხვრები ხელნაკეთი და უნიკალურია, რომელთაც ჩვენი კონდიტერი გულდასმითა და მზრუნველობით ამზადებს, ესთეტიკისა და გემოს საუკეთესო სინთეზის მისაღებად.
სენდვიჩები/სალათები − გემრიელად წასახემსებლად, ჩვენს დახლებზე ორგანული ინგრედიენტებით მომზადებული პროდუქციის განსხვავებულ სახეობებს შეხვდები, მათ შორის − ვეგანურ ვარიაციებსაც. თითოეული სალათისა თუ სენდვიჩის მრავალფეროვანი შემადგენლობა სწორადაა დაბალანსებული იმისათვის, რომ დღის განმავლობაში ორგანიზმი საჭირო მინერალებითა და ვიტამინებით შეივსოს.
(ნუცა): კაფე „ბატონებში“ შეგიძლიათ იტალიური პრემიუმხარისხის ბრენდის ყავის − Lucaffe-ს დაგემოვნება, რომელიც ჩვენს ქალაქში სხვაგან არ არის. ტრადიციული არტიზანული მეთოდით მოხალული მარცვლები იდეალურად ინარჩუნებს კლასიკური ყავის ყველა სასარგებლო თვისებასა და დაუვიწყარ არომატს. რბილი, სასიამოვნო გემო კი მას იდეალურს ხდის დღის ნებისმიერ მონაკვეთში მისართმევად. გარდა ამისა, „ბატონებში“ გიმასპინძლებთ როგორც კლასიკური შავი ან მწვანე ჩაით, ასევე მცენარეული, ველური მოცვის, ტყის კენკრისა და ციტრუსის ვარიაციებით. თითოეული სახეობის ჩაი უმაღლესი ხარისხისაა.
სამომავლო გეგმები…
„ბატონებს“ საკმაოდ დიდი და საინტერესო გეგმები აქვს: სამომავლოდ გვინდა მომხმარებელს რამდენიმე მიმართულება შევთავაზოთ, როგორც არტიზანული საცხობის, ასევე არტიზანული რესტორნების მიმართულებით. რამდენიმე თვეში შეძლებთ „ბატონების“ არტიზანული რესტორნის დაგემოვნებას გიორგი ლეონიძის 12 ნომერში, სადაც ჩვენი შეფი განსხვავებული და გამორჩეული კერძებით გაგიმასპინძლდებათ.
ჩვენი მიზანია მომხმარებელს შევუქმნათ მაქსიმალური კომფორტი. მუდმივად ვცდილობთ ვიყოთ საინტერესო, განსხვავებული და მომხმარებელთა საჭიროებებზე ორიენტირებული ბრენდი.
ტექსტი: სოფიო მალანია
