38 წლის ამერიკელმა ტატუს ოსტატმა, ფანკი მატასმა სხეულზე 273 ავტოგრაფი დაიხატა, რითაც გინესის რეკორდების წიგნში მოხვდა. ფანკი ბავშვობიდან იყო გატაცებული ტატუებით და მისი ინტერესი ყოველწლიურად იზრდებოდა, მაგრამ მშობლები სხეულის მოხატვის უფლებას არ აძლევდნენ.
„ტატუები ყოველთვის მაინტერესებდა და ვერ ვხვდებოდი, რატომ ფიქრობს ზოგი, რომ ეს ცუდია. მე ვცადე ყველასთვის დამემტკიცებინა, რომ ტატუები შეიძლება სახალისო და უვნებელი იყოს. რადგან მე ტატუს მხატვარი ვარ, გადავწყვიტე, ჩემი ახლო მეგობრებით დამეწყო და მათი ავტოგრაფები ზურგზე დამეწერა, თუმცა საბოლოოდ, ეს ბევრად უფრო დიდ იდეად იქცა. მეგობრებს მსოფლიოში ცნობილი ტატუს მხატვრები და ცნობილი სახეები დაემატა. ეს ყველაფერი პროექტს უფრო მრავალფეროვანს ხდის და სხვადასხვა სოციალური ფენის ადამიანებს აერთიანებს“, – აღნიშნა მატასმა.
ცნობილი სახეები, რომლებმაც ფანკის სხეულზე ხელმოწერა დატოვეს, არიან: 50 Cent, კელი კლარკსონი და ბედ ბანი, მსახიობები სემიუელ ლეროი ჯექსონი, უილ სმიტი და მაიკლ ჯეი ფოქსი, უსეინ ბოლტი, ტონი ჰოუკი და ფლოიდ მეივეზერი და მრავალი სხვა.
„ყველას ვთხოვ შემოგვიერთდნენ. ჩვენთან არიან ადამიანები, რომლებიც გულით სიყვარულს ატარებენ, ნამდვილი ადამიანები, რომლებმაც შთამაგონეს და ჩემი ბავშვობის ნაწილად იქცნენ. ყველა, ვინც ამ პროექტში მიიღო მონაწილეობა და პირდაპირ ჩემს სხეულზე ხელი მოაწერა“ – აღნიშნა რეკორდსმენმა.
ასევე დაგაინტერესებთ
#OK! ისევ კევინი – აშშ-ში 12 წლის ბიჭი პოლიციას მის სახლში შეპარული ქურდის დაჭერაში დაეხმარა
