სამკაულების ბრენდი „ამარტა“ 14 წელია წარმატებით ოპერირებს ბაზარზე. ბრენდმა ერთი წელია, საზოგადოებას პრემიუმხაზი შესთავაზა, რაც აერთიანებს მაღალი ხარისხის მსოფლიო ბრენდების სამკაულს. კოლექცია აერთიანებს – ჩეხური ძოწის, ბალტიკური ქარვის, იტალიური ვერცხლის, მარგალიტების, ავსტრალიური ონიქსის, დანიური ემალის, პაკისტანური კვარცისა და სხვა მრავალი ძვირფასი მეტალისა და თვლის როგორც ხელნაკეთი, ასევე ქარხნული წარმოების სამკაულებს.
აღსანიშნავია, რომ „ამარტა პრემიუმს“ ჰყავს რამდენიმე ევროპელი პარტნიორი, რომლებიც ბრენდის ექსკლუზიური წარმომადგენლები არიან. პარტნიორები თავად მოიპოვებენ ძოწს, ქარვას, კვარცს, მარგალიტს და თავადვე აწარმოებენ სამკაულს.
„ამარტა პრემიუმი“-ს სამკაული ყველასათვის ნაცნობი და ნოსტალგიური თვლების, ქვებისა და ფორმების მოდერნიზებული ვარიაციაა, რომელსაც სიამოვნებით ატარებენ სამი თაობის წარმომადგენლები, ბებიები, დედები და შვილები. სწორედ აქედან მოდის ბრენდის სლოგანიც „ატარე ისტორია ახლებურად“.
აღსანიშნავია, რომ აღნიშნული ბრენდის განსაკუთრებული მიმართულება ნატურალური ბალტიური ქარვის სამკაულია, რომელსაც ესთეტიკის გარდა სამკურნალო დანიშნულება აქვს.
„ამარტა პრემიუმი“ მომხმარებელს მუდმივად განახლებული და ექსკლუზიური კოლექციებით ანებივრებს. ის ქალის, მამაკაცისა და ბავშვის სამკაულის მრავალფეროვან არჩევანს გთავაზობთ, რომლის საშუალებით თქვენ შეგიძლიათ ხაზი გაუსვათ თქვენს ინდივიდუალიზმს. აღსანიშნავია, რომ ადგილზე თითქმის ყველა მოდელი მხოლოდ ერთიდან ხუთამდე ეგზემპლარია წარმოდგენილი, რაც ბრენდისა და სამკაულის ექსკლუზიურობის ინდიკატორია.
„ამარტა“ ამ ეტაპზე 3 მაღაზიით არის წარმოდგენილი თბილისსა და რუსთავში. ძალიან მალე, 15 დეკემბერს, ბრენდის ახალი ფილიალი „აქსის თაუერსში“ გაიხსნება. რა თქმა უნდა, სამკაულების შერჩევა და შეძენა ასევე შესაძლებელია ონლაინმაღაზიაში – amarta.store.
