ქართული ბრენდი Nice Georgia უკვე რვა წელია საზოგადოებას ტრენდული, ხარისხიანი და განსხვავებული სტილის სამოსით ანებივრებს. მუდმივად ცდილობს მრავალფეროვანი ფერები შესძინოს ყველა სეზონს და საკუთარი ნიშა სხვადასხვა გზით გამოხატოს. რას სთავაზობს ბრენდი მომხმარებლებს, სად შეგვიძლია პროდუქციის შეძენა და სხვა მნიშვნელოვანს საკითხებზე, OK!-ის ბრენდის დამფუძნებელი და დიზაინერი, ნანა ნაროზაული უამბობს.
ნანა, როგორ ფიქრობთ, რამ განაპირობა თქვენი ბრენდის ცნობადობა?
ყოველთვის ვცდილობ შევქმნა ისეთი კოლექცია, რომელიც არის ძალიან აქტუალური და საჭირო ყოველდღიურ ცხოვრებაში. ჩვენი მიზანია, ბრენდმა დააკმაყოფილოს და მოერგოს ყველა ადამიანის გემოვნებას და სურვილს. სწორედ ამ კრიტერიუმით ვხელმძღვანელობთ ყველა ახალი ნამუშევრის შექმნისას და შედეგიც არ აყოვნებს. მომხმარებელთა რიცხვი დღითი დღე იზრდება, რაც ჩვენ ძალიან გვახარებს და მოტივაციას გვძენს, საზოგადოებას შევთავაზოთ კიდევ უფრო მრავალფეროვანი არჩევანი.
რას სთავაზობთ მომხმარებელს?
კოლექციები იქმნება სეზონების მიხედვით. მივყვებით ტენდენციებს, თუმცა მაინც ვცდილობთ ბრენდს ჰქონდეს თავისი ნიშა, რომელიც გამოარჩევს სხვებისგან. შესაბამისად, ყველა ჩვენს ნამუშევარში იგრძნობა განსხვავება.
ჩვენთან ძირითადად წარმოდგენილია კომფორტული და ყოველდღიურად გამოყენებადი სამოსი, რადგან მიმაჩნია, რომ ეს არის ყველა ადამიანისთვის ძალიან მნიშვნელოვანი.
ასევე გვაქვს სამოსზე გადატანილი თბილისისა და ბათუმის სილუეტები, რაც ჩვენს ბრენდს კიდევ უფრო მეტ უპირატესობას ანიჭებს და ყველასგან გამორჩეულსა და განსხვავებულს ხდის.
სად არის განთავსებული თქვენი პროდუქცია?
გვაქვს შოურუმი, სადაც ასევე იკერება ჩვენი სამოსი. ამ სივრცეში მომხმარებლებს შეუძლიათ გვესტუმრონ და შეუკვეთონ მათთვის სასურველი პროდუქცია.
რა დრო ესაჭიროება შეკვეთის მიღებიდან პროდუქციის მომხმარებლამდე მიტანას?
პროდუქციის ადრესატამდე მიტანის მაქსიმალური ვადა 2-3 დღეა. ჩვენთან ძალიან დიდი მნიშვნელობა ენიჭება მომსახურებას, რადგან სწორედ ეს განსაზღვრავს მომხმარებლების ჩვენდამი ნდობას. მიწოდება ხდება როგორც თბილისში, ასევე რეგიონებში, მთელი საქართველოს მასშტაბით.
რა სახის სიახლეებს უნდა ელოდოს მომხმარებელი ახლო მომავალში?
ვმუშაობთ ახალ კოლექციაზე. საზოგადოებას შევთავაზებთ კიდევ უფრო მრავალფეროვან პროდუქციას. ყოველ სეზონზე ვცდილობთ მეტი სიახლე შევიტანოთ ბაზარზე და არც ეს სეზონი იქნება გამონაკლისი. ასე რომ, დაგველოდეთ, მალე უამრავ სიახლეს იხილავთ ჩვენს ფეისბუქ და ინსტაგრამგვერდებზე.
სამომავლო გეგმები…
ჩემი მთავარი მიზანი იყო ბრენდის ოფიციალურად დარეგისტრირება, რასაც ორი წლის განმავლობაში ველოდებოდი. ახლა უკვე შემიძლია მაღაზიის გახსნა, რასაც ძალიან მალე განვახორციელებთ.
