ორი კვირა გავიდა მას შემდეგ, რაც მეგან მარკლმა და პრინცმა ჰარი ოპრა უინფრისთან სკანდალური ინტერიუ ჩაწერეს და სამეფო ოჯახი კიდევ ერთხელ აღმოჩნდა დაუსრულებელი საუბრების მიზეზი. რასიზმსა და მეგანისადმი მკაცრ დამოკიდებულებაში მხილებული სამეფო ოჯახიდან პრინცი უილიამი და დედოფალი ელიზაბეტი გამოეხმაურნენ.
“მთელი ოჯახი დამწუხრებულია იმის გაგებით, თუ რამდენად რთული იყო ბოლო რამდენიმე წელი მეგანისა და ჰარისთვის. წამოჭრილი კითხვები, რომლებიც უმეტესად რასიზმს ეხება, ჩვენ გვაშფოთებს. მიუხედავად იმისა, რომ ზოგი მოგონება შესაძლოა განსხვავებულად ინტერპრეტირდა, თუმცა ჩვენ მათ სერიოზულად ვიღებთ და მუდმივ რეჟიმში გავუწევთ ზედამხედველობას. ჰარი, მეგანი და არჩი ყოველთვის იქნებიან ჩვენი ოჯახის უსაყვარლესი წევრები,” – დაიწერა 94 წლის ელიზაბეტ მეორის ოფიციალურ გვერდზე.
თუმცა დღემდე უცნობი რჩებოდა ქეით მიდლტონის რეაქცია იმ ფაქტზე რომ მეგან მარკლმა გაასაჯაროა თუ როგორ აატირა ქეითმა ის ქორწილამდე რამდენიმე დღით ადრე.
“ჩვენს ქორწილამდე რამდენიმე დღით ადრე, ის (ქეითი) გაღიზიანებული იყო თანმხლები გოგონების კაბების გამო, რამაც გული მართლა მატკინა. ამ დეტალებს აღარ მოვყვები, რადგან ქეითმა ბოდიში მოიხადა და მე მას ვაპატიე. ამ ყველაფერში ყველაზე ცუდი ჩემდამი მომართულ ბრალდებებთან გამკლავება იყო”-აღნიშნა მარკლმა.
“ქეითი ძალიან თავშეკავებული ადამიანია და აღმერთებს პირად ცხოვრებას. თქვენ მისგან ვერასდროს მოისმენთ ვინმეზე გაღიზიანებას, რადგან ყველას დელიკატურად ეპყრობა. ამიტომაც მისი ისტორიის კიდევ ერთხელ გახსენება, რთული აღმოჩნდა. ქეითი თვლიდა, რომ ინცინდენტმა უკვე ჩაიარა და მის შესახებ კიდევ ერთხელ საჯაროდ საუბარი მოულოდნელი და დამთრგუნველი აღმოჩნდა,” -აღნიშნა სამეფო ოჯახის რეპორტიორმა -ქეით ნიკოლმა OK Magazine-თან ინტერვიუში,
