„ლიდერფუდი“ ბაზარზე ხორცპროდუქტების ერთ-ერთი მოწინავე კომპანიაა, რომელიც მომხმარებელს სთავაზობს უმაღლესი ხარისხის პროდუქციას. „ლიდერფუდი“ ადამიანებს მუდმივად ანებივრებს სასიამოვნო სიახლეებით. დეტალური ინფორმაციისთვის OK! გაესაუბრა შპს „ლიდერიფუდის“ გენერალურ დირექტორს, რომა ანთიძეს.
გვესაუბრეთ „ლიდერფუდის“ აქციებთან დაკავშირებით.
მინდა, მოგახსენოთ, რომ კომპანია „ლიდერფუდის“ მხრიდან ჩვენი ერთგული მომხმარებლები ყოველთვის განებივრებულები არიან სხვადასხვა სახის აქციებით და ფასდაკლებებით, რომელიც მათ თითქმის ყოველდღიურად ხვდებათ როგორც ჩვენს საფირმო მაღაზიათა ქსელში, ისე სხვადასხვა სავაჭრო ობიექტში. რა თქმა უნდა, არც წინასააღდგომო პერიოდი იქნება გამონაკლისი და გვექნება განსაკუთრებული შეთავაზებები.
რომელია მომხმარებლის მხრიდან ყველაზე მოთხოვნადი პროდუქცია?
ვინაიდან ბაზარზე „ლიდერფუდის“ პროდუქცია გამოირჩევა დიდი სანდოობით და ხარისხის უმაღლესი სტანდარტით, გამიჭირდება რომელიღაც კონკრეტული პროდუქტი გამოვყო და დავასახელო „მოთხოვნად“ პროდუქტად, თუმცა შემიძლია გითხრათ, რომ სხვა არაერთ პროდუქტთან ერთად, ძალიან დიდ მოწონებას იმსახურებს ჩვენი ახალი პროდუქტი − დელიკატესი DE ROMA, რომელმაც საკმაოდ დიდი როლი ითამაშა გაყიდვების გაზრდაში, მიუხედავად იმისა, რომ სულ რაღაც რამდენიმე თვის წინ დავიწყეთ ამ პროდუქტის წარმოება.
მთავარი ნიშა, რომელიც თქვენს პროდუქციას გამოარჩევს…
ხარისხი, ხარისხი და კიდევ ხარისხი.
რაში მდგომარეობს კომპანიის სიძლიერე?
„ლიდერფუდი“ იყო, არის და ყოველთვის იქნება ოჯახურ ფასეულობებზე შექმნილი კომპანია, რომელიც წლების წინ ბატონ დავით ზეიკიძის ხელმძღვანელობით დაფუძნდა. აქედან გამომდინარე, ჩვენი კომპანიის სიძლიერეა „ლიდერფუდის“ თითოეული თანამშრომელი, რომელიც ერთ ოჯახად, ერთ მუშტად არიან შეკრულნი და როგორც საკუთარ ოჯახზე, ისე ზრუნავენ და შეაქვთ თავიანთი წვლილი კომპანიის განვითარებაში. მინდა, ვისარგებლო შემთხვევით და საჯარო მადლობა გადავუხადო თითოეულ „ლიდერფუდელს“, კომპანიის წინსვლასა და განვითარებაში შეტანილი წვლილისთვის. ასევე, მინდა სრულიად საქართველოს მოსახლეობას მივულოცო აღდგომის ბრწყინვალე დღესასწაული, ვუსურვო ჯანმრთელობა, კეთილდღეობა და ღვთის წყალობა.
სამომავლო გეგმები…
სამომავლო გეგმებთან დაკავშირებით, მინდა გითხრათ, რომ უახლოეს მომავალში კომპანია „ლიდერფუდი“ მომხმარებლებს სასიამოვნო სიახლეს შესთავაზებს, ნედლად შებოლილი ხორცპროდუქტების წარმოების სახით. ვინაიდან პროდუქტის ისტორია სათავეს იღებს სომხეთიდან, პროცესში ჩართულნი იქნებიან მოწვეული ტექნოლოგები ჩვენი მეზობელი ქვეყნიდან. ასე რომ, ქვეყანას აღარ დასჭირდება ამ მიმართულებით იმპორტი და სულ მალე გვექნება ადგილობრივი წარმოების, უმაღლესი ხარისხის, ნედლად შებოლილი ხორცპროდუქტების ოცდაათამდე დასახელების პროდუქტი, რომელიც ბაზარზე „ლიდერფუდის“ ხარისხის ნიშნით იქნება წარმოდგენილი.
აქვე უნდა აღვნიშნო ისიც, რომ პროექტი, რომელზეც ჩვენ ვსაუბრობთ, თავისთავად გულისხმობს მეტი სამუშაო ადგილის შექმნას და უფრო მეტი ადამიანის დასაქმებას ქვეყანაში.
კომპანიის საკონტაქტო ინფორმაცია:
Facebook: Liderfood • ლიდერფუდი
032 210 70 50
ტექსტი: მარიამ მთივლიშვილი
