Atelier La Mode ის ქართული ბრენდია, რომელიც პანდემიამდე რამდენიმე კვირით ადრე გამოჩნდა ბაზარზე, მაგრამ არ შეუშინდა სირთულეებს და დღევანდელ დღემდე ძალიან საინტერესო გზა გაიარა, ფეხი აუწყო ამ პროცესს და ხარისხიანი და გემოვნებიანი სამოსით წარდგა მომხმარებლის წინაშე. ამ და სხვა საინტერესო თემების შესახებ, OK!-ის ბრენდის დამფუძნებელი, სოფო ჭუმბურიძე ესაუბრა.
როდის გამოჩნდა Atelier La Mode პირველად საზოგადოების წინაშე?
ქალის ტანსაცმლის ონლაინმაღაზია Atelier La Mode ბაზარზე 2020 წლის თებერვლიდან გამოჩნდა. ჩვენი თავდაპირველი მიზანი იყო, საკუთარი პროდუქცია საზოგადოებისთვის გაგვეცნო და დაგვემკვიდრებინა ადგილი ქართულ ბაზარზე, მაგრამ მიზნების სრულად განხორციელებაში ძალიან შეგვიშალა ხელი კორონავირუსისგან გამოწვეულმა პანდემიამ. მიუხედავად ამისა, ამ გადმოსახედიდან უკმაყოფილოები არ ვართ მიღებული შედეგით. დღესდღეობით, საკმაო პოპულარობითა და ნდობით სარგებლობს ჩვენი ბრენდი.
საკუთარი ბრენდის დაფუძნების იდეა როგორ გაგიჩნდათ?
ეს იყო ჩემი ბავშვობის მოწოდება. გადავწყვიტე, შემექმნა რაიმე ისეთი, რაც საზოგადოებისთვისაც საინტერესო იქნებოდა, ამიტომ კორონავირუსისგან გამოწვეულ პანდემიას არ მივეცით უფლება გავეჩერებინეთ და გავაკეთეთ ონლაინმაღაზია. ამ იდეის განხორციელებაში ძალიან დიდი წვლილი მიუძღვით ჩემს დას და ჩემს ძალიან ახლო მეგობარს, რომელიც ჩემთან ერთად მართავს ბრენდს და ყველაფერს აკეთებს მისი განვითარებისთვის.
გვესაუბრეთ ბრენდის პრიორიტეტებზე.
ყველაზე დიდ მნიშვნელობას ვანიჭებ ხარისხს. თან, თუ გავითვალისწინებთ იმას, რომ კონკურენცია ქართულ ბაზარზე ძალიან დიდია, ვცდილობთ მაქსიმალური გავაკეთოთ, რათა ნდობა შევინარჩუნოთ და უფრო მეტი შევთავაზოთ მომხმარებელს. შესაბამისად, ჩვენი პრიორიტეტებია როგორც ქსოვილების, ასევე პროდუქციის შექმნის ხარისხი, მაღალი დონის მომსახურება და ხელმისაწვდომი ფასები.
რა არის ბრენდის მიზანი?
ჩვენი მიზანია, საზოგადოებაში შევქმნათ განსხვავებული ასოციაციები და პროდუქციით გამოვხატოთ საკუთარი ნიშა. ჩვენი ძალიან დიდი სურვილია, მომხმარებელი ერთი შეხედვით ხვდებოდეს, თუ ვის მიერ არის შექმნილი ესა თუ ის პროდუქცია. სწორედ ამიტომ, გვაქვს საკუთარი ბრენდის გამომხატველი დეტალები, რომლებსაც ტანსაცმელზე ვიყენებთ.
მიტანის სერვისი…
მიტანის სერვისი გვაქვს მთელი საქართველოს მასშტაბით. უნდა აღინიშნოს, რომ სხვა ქვეყნებიდანაც აქტიურად ითხოვენ ჩვენი ბრენდის პროდუქციას.
შეკვეთიდან რამდენი დღის განმავლობაში იღებს მომხმარებელი პროდუქციას?
3-დან 7 დღემდე ვადაში. ეს იმაზეა დამოკიდებული, თუ რა რაოდენობის შეკვეთას გვაძლევს მომხმარებელი.
როგორია Atelier La Mode-ის სამომავლო გეგმები?
სამომავლოდ, კიდევ უფრო მეტი შედეგის მიღწევა გვსურს. ვამზადებთ გაზაფხული/ზაფხულის კოლექციას. ასევე, ვგეგმავთ მაღაზიის გახსნას. ჩვენი გეგმები ძალიან მრავალფეროვანია და ეტაპობრივად ბევრი სიახლით გავანებივრებთ ჩვენს მომხმარებელს.
