#OK! როგორ შეძლო ქენდალ ჯენერმა კაილის ატირება მათი უახლესი ვიდეოს გადაღებისას?

23 წლის კაილი ჯენერმა დასთან – 25 წლის ქენდალთან ერთად გადაღებული კიდევ ერთი ვიდეო გამოაქვეყნა, რომელიც ისევ და ისევ მაკიაჟს ეხება. თუმცა უშუალოდ ტუტორიალის გარდა, დებმა აქამდე უცნობ დეტალებზეც ისაუბრეს, მათ შორის იმაზეც თუ როგორ მოქმედებდა ქენდალ ჯენერზე სილამაზესთან დაკავშირებული სტერეოტიპები.

“საშუალო კლასებში საშინელი აკნე მქონდა და მაკიაჟს ვხმარობდი. მახსოვს, მეცხრე კლასის წინა ზაფხული იყო, როცა კანი განსაკუთრებულად გამიღიზიანდა, მაშინ ერთი ბიჭი მომწონდა და დარწმუნებული ვიყავი, რომ აკნეს გამო ამ შანსს გავუშვებდი. თუმცა ასე არ მოხდა, ჩვენ ერთმანეთს ვხვდებოდით,” – აღნიშნა ქენდალმა.

მოგვიანებით კი, იმაზეც ისაუბრა თუ როგორ იხსნებს ამ ისტორიაში უმცროს დაიკოს,

“მაშინ მაკიაჟის შესახებ არაფერი ვიცოდი და მახსოვს, როცა მამა სკოლასთან გვტოვებდა, კიბეებზე ავდიოდით, მე შენ შემოგხედავდი და გკითხავდი თუ იყო ჩემი აკნე შემჩნევადი, შენ რა თქმა უნდა მას ხედავდი, მაგრამ ყოველთვის მეუბნებოდი რომ ვერაფერს ამჩნევდი და რომ ლამაზი ვარ” – სწორედ ეს სიტყვები აღმოჩნდა კაილი ჯენერისთვის ემოციური და გადაღებასაც ცრემლების გარეშე არ ჩაუვლია.