18 მაისს, ისი პარიმ გარდენია შევარდნაძეში, კანის მოვლის ახალი ბრენდის L’erbolario-ს პრეზენტაცია გამართა.
L’Erbolario, 1978 წელს ქალაქ ლოდიში, ენთუზიაზმით სავსე წყვილის მიერ დაარსდა. ფრანკო ბერგამასკი და დანიელა ვილა, ჰერბალისტები გახლდნენ და სწორედ მცენარეების სიყვარულით შექმნეს კანის მოვლის ვეგანური ბრენდი.
მცენარეების პატარა სახელოსნოში დაწყებული ბრენდი L’erbolario, წლების მანძილზე ნელ-ნელა გაიზარდა და დღესდღეობით იტალიის ფიტო-კოსმეტიკის ბაზარზე ერთ-ერთ წამყვან პოზიციას იკავებს, ისე, რომ არასდროს დაუკარგავს თავდაპირველი იდეა, ყოფილიყო – „100%- ით იტალიური“.
45 წელია L’erbolario, გამჭვირვალე და ყველასათვის ხელმისაწვდომ პირობებში ამზადებს ვეგანურ პროდუქტებს, მათი ბაღებისა და ლაბორატორიების დათვალიერება შესაძლებელია ქალაქ ლოდიში.
ამ ეტაპზე ბრენდის პორტფოლიოში 600-მდე სახის, ტანის და თმის მოვლის პროდუქტებია თავმოყრილი.
ღონისძიება პრესისა და მედიისთვის გაიმართა, მას ინფლუენსერები და ბლოგერებიც დაესწრნენ. კანის მოვლის იტალიური ვეგანური ბრენდის პრეზენტაცია, გარდენიას ულამაზესი ბაღიდან დაიწყო, სადაც სტუმრები იტალიური მუსიკისა და ღვინის თანხლებით ბრენდის ულამაზეს ბანერთან ფოტოებს იღებდნენ, ასევე, აირჩიეს გათამაშების ბილეთები და საღამოს ბოლოს, საჩუქრებისთვისაც მოემზადნენ. სასიამოვნო დასაწყისი, ზურა შევარდნაძის არაჩვეულებრივი მასტერკლასით გაგრძელდა და სტუმრებს შესაძლებლობა მიეცათ, თაიგულის სხვადასხვა ყვავილებით აწყობის ხელოვნება ეხილათ. ბევრი ღიმილისა და სასარგებლო ინფორმაციის შემდეგ სტუმრებმა იტალიური მოტივებით შექმნილ ფურშეტთან გადაინაცვლეს.
მალე L’erbolario-ს პრეზენტაციის დროც დადგა და სტუმრებმა ულამაზეს ბაღში, მცენარეებითა და ვეგანური მოტივებით შთაგონებული ბრენდის ისტორიაც მოისმინეს, რომელიც ისი პარის კონტენტის მენეჯერმა ლინა ქალდანმა წარადგინა.
პრეზენტაციის დასრულების შემდეგ, ყველაზე სასიამოვნო ეტაპის დროც დადგა და სტუმრები ჩაერთნენ გათამაშებაში, სადაც ხუთმა მათგანმა ბრენდის არაჩვეულებრივი საჩუქრები მოიგო. რა თქმა უნდა უსაჩუქროდ არავინ დარჩა და ისი პარიმ სტუმრების თითოეული წევრი L’erbolarios სასაჩუქრე ნაკრებით დაასაჩუქრა.
