ჰოლივუდის ვარსკვლავი ჯიმ ქერი დაქორწინდა. 64 წლის მსახიობმა და კომიკოსმა რამდენიმე წლიანი ურთიერთობის შემდეგ მინ აჰზე იქორწინა – მსახიობის წარმომადგენელმა ინფორმაცია PEOPLE-თან დაადასტურა.
ჯიმ ქერისა და მინ აჰის ურთიერთობის შესახებ საზოგადოებისთვის რამდენიმე წელია ცნობილია, თუმცა წყვილი პირად ცხოვრებაზე საჯაროდ თითქმის არასდროს საუბრობს. ისინი ერთად პირველად 2022 წლის თებერვალში, ლოს-ანჯელესში დააფიქსირეს.
რომანი ფართო საზოგადოებისთვის ცნობილი 2026 წლის თებერვალში გახდა, როდესაც ქერი და მინ აჰი საფრანგეთში, „César Awards“-ის ცერემონიაზე ერთად გამოჩნდნენ. იმ საღამოს მსახიობს საპატიო ჯილდო გადაეცა, სიტყვით გამოსვლისას კი პარტნიორს განსაკუთრებული მადლობა გადაუხადა.
ცერემონიას ქერის ქალიშვილი ჯეინ ერინ ქერი და შვილიშვილი ჯექსონიც ესწრებოდნენ.
ჯიმ ქერი პირადი ცხოვრების შესახებ საუბარს ყოველთვის ერიდებოდა. 2022 წელს, ერთ-ერთ ინტერვიუში, მსახიობმა აღნიშნა, რომ მშვიდი ცხოვრება მოსწონს და სიამოვნებას ოჯახის წევრებთან დროის გატარება, ხელოვნება და კამერებისგან მოშორებით ყოფნა ანიჭებს.
აღსანიშნავია, რომ ეს ქერისთის მესამე ქორწინებაა – პირველად, 1987 წელს, მელისა ვორმერზე დაქორწინდა, რომელთანაც ქალიშვილი ჯეინი შეეძინა. მათი ოჯახური ცხოვრება1995 წელს დასრულდა. ერთი წლის შემდეგ მსახიობმა „Dumb and Dumber“-ის კოლეგა, ლორენ ჰოლი შეირთო – ეს ურთიერთობა 1997 წლამდე გაგრძელდა.
ასევე დაგაინტერესებთ:
#OK! ჯიმ ქერი ფიქრობს, რომ უილ სმიტი უნდა დააპატიმრონ: “200 მილიონს მოვითხოვდი ზარალისთვის”
#OK! როგორ გამოიყურებოდნენ ვარსკვლავები სანამ ცნობადი სახეები გახდებოდნენ?
