2026 წელი გივიკო ბარათაშვილისა და ანასტასია ჭანტურაიასთვის განსაკუთრებული აღმოჩნდა – წყვილი, რომელიც სულ ცოტა ხნის წინ დაქორწინდა, ახლა პირველ შვილს ელოდება.
სასიხარულო ამბავი გივიკო ბარათაშვილმა სოციალურ ქსელში გააზიარა.
View this post on Instagram
გივიკო ბარათაშვილისა და ანასტასია ჭანტურაიას ურთიერთობის შესახებ საზოგადოებისთვის ბევრი დეტალი ცნობილი არ არის. ორივე მსახიობია და საერთო პროფესიულ სფეროში საქმიანობს, თუმცა პირად ცხოვრებაზე საჯაროდ იშვიათად საუბრობენ.
წყვილმა ურთიერთობის ახალი ეტაპი ცოტა ხნის წინ, ქორწილით დაიწყო. მათი ცერემონია ტრადიციული ქორწილისგან განსხვავებული აღმოჩნდა – გივიკო და ანასტასია ბეჭდების გაცვლის დღეს უახლოესი ადამიანების გარემოცვაში შეხვდნენ. პატარძალს თეთრი, სადა სამოსი ეცვა, გივიკო კი თეთრ ზედასა და შარვალში იყო გამოწყობილი. ცერემონიის ერთ-ერთი გამორჩეული დეტალი ნავით გასეირნება გახდა.
გივიკო ბარათაშვილი ახალი თაობის ქართველ მსახიობებს შორის ერთ-ერთი გამორჩეული სახეა. სხვადასხვა დროს ის „ახალი თეატრის“, „თავისუფალი თეატრისა“ და „სამეფო უბნის თეატრის“ სცენებზე თამაშობდა, ფართო აუდიტორიამ კი პოპულარული სერიალიდან „ცვალებადი ნიშნები“ გაიცნო, სადაც ბასას როლი შეასრულა.
ანასტასია ჭანტურაიაც მსახიობია და თეატრში აქტიურად მუშაობს. მისი და გივიკოს შემოქმედებითი გზები არაერთ პროექტში იკვეთება. ანასტასია ასევე რეჟისორია – მისი საავტორო ნამუშევარი „პერსეფონე – სადაც სინათლეს ვავიწყდები“ 2025 წლის დეკემბერში „ჰარაკის“ თეატრში დაიდგა, სპექტაკლში კი გივიკო ბარათაშვილიც მონაწილეობს.
ასევე დაგაინტერესებთ:
#OK! გივიკო ბარათაშვილი დაქორწინდა – ვინ არის მსახიობის რჩეული
