OK! Fashion Book საბავშვო კონცეპტუალური მაღაზიის – Lile Kids-ის შესახებ გიამბობთ, რომელიც 2019 წლიდან ოპერირებს ქართულ ბაზარზე და პატარა მომხმარებლებს ეკოლოგიურად სუფთა საბავშვო მულტიბრენდულ სამოსს სთავაზობს, რითაც ბუნებასა და გარემოზე ზრუნავს. რომელი ბრენდებია წარმოდგენილი Lile Kids-ში, რა ასაკის ბავშვებზეა გათვლილი სამოსი და როგორია მაღაზიის საქმიანობა, დამფუძნებელი თამუნა გამყრელიძე გვიამბობს.
უპირველესად, გაგვაცანით Lile kids. რამდენი ხანია, რაც ფუნქციონირებს?
„ლილე ქიდსი“ პირველი საბავშვო კონცეპტუალური მაღაზიაა თბილისში, რომელიც 2019 წელს გაიხსნა.
რას სთავაზობთ საზოგადოებას?
ჩვენს მაღაზიაში წარმოდგენილია მხოლოდ ეკოლოგიურად სუფთა და მაღალი ხარისხის პროდუქცია, როგორიცაა ტანისამოსი, ფეხსაცმელი, სათამაშოები და საბავშვო აქსესუარები.
ხარისხზეც გვიამბეთ.
„ლილე ქიდსის“ მთავარი კონცეპტია თავის მომხმარებელს შესთავაზოს ევროპაში შექმნილი მაღალი ხარისხის ბრენდები. დამეთანხმებით, ხარისხი ნებისმიერი მომხმარებლისთვის უპირატესობას წარმოადგენს, შესაბამისად, ჩვენც სრულად ვართ მორგებული მათ მოთხოვნებზე და მათ სურვილებს ვაკმაყოფილებთ.
რომელი ბრენდების სამოსია თქვენთან წარმოდგენილი?
ჩვენ უპირატესობას ვანიჭებთ ბრენდებს, რომლებიც თავიანთი კოლექციებით გვიყვებიან ისტორიებს და ზრუნავენ ბუნებასა და გარემოზე. ამიტომაც ჩვენი ბრენდების კოლექციები ლიმიტირებულია ზომებითა და რაოდენობით.
„ლილე ქიდსში“ წარმოდგენილია ეკოლოგიურად სუფთა ცნობილი საბავშვო ბრენდების სამოსი, როგორიცაა ყველასათვის საყვარელი Bobo Choses, The Animal Observatory, Weekend House Kids, Veja Kids, Mini Rodini, Gray Label, Tiny Cottons, ასევე – ხისა და მუყაოსგან შექმნილი საბავშვო სათამაშოები, რომლებიც პატარების განვითარებისთვისაა შექმნილი.
ძალიან გვიხარია და ვამაყობთ, რომ ჩვენს მაღაზიაში შესაძლებელია ყველასთვის საყვარელი ვეგანური კედების Veja Kids-ის შეძენა, ასევე POm DApi-ისა და Angulis-ის ბრენდის ფეხსაცმელების.
ჩვენთან წარმოდგენილია ზურგჩანთების რამდენიმე ნიშური ბრენდი, როგორიცაა – Hanska და Own Stuff, რომლებიც ხელით იქმნება გერმანიასა და ბელგიაში და მხოლოდ მსოფლიოს ლიმიტირებულ მაღაზიებში თუ შეხვდებით.
გვიხარია და ვამაყობთ, რომ ვართ პირველი ეკოლოგიურად სუფთა საბავშვო მულტიბრენდული მაღაზია, რომელიც ზრუნავს ბუნებასა და გარემოზე.
რა ასაკზეა Lile Kids-ის სამოსი გათვლილი?
ასაკს რაც შეეხება, „ლილე ქიდსის“ სამოსი გათვლილია 0-16 წლამდე ასაკის ბავშვებისთვის.
სამომავლო გეგმებიც გაგვიზიარეთ.
სულ მალე გაიხსნება „ლილე ქიდსის“ ახალი ფილიალი, სადაც დაგვემატება სათამაშოების, ველოსიპედებისა და ბავშვის თავის მოვლის უამრავი ახალი ბრენდი. ახალ მაღაზიაში ასევე დაგვემატება ახალშობილის მოვლისა და ავეჯის კოლექციები.
